رۆژى جیهانى منداڵ پیرۆز بێبایه‌خ به‌ مندالان و حه‌زه‌كانیان ده‌درێ، هه‌روه‌ها ده‌سه‌لاتیش كه‌مترین بایه‌خ و گرینگى به‌مندالان و چاره‌نووسیان ده‌ده‌ا، هه‌ر بۆیه‌ ده‌بینین كه‌ له‌ئێران و كوردستان به‌هه‌زاران منداڵ تووشی نه‌خۆشی ده‌روونى و جه‌سته‌یی ده‌بنه‌وه‌، له‌خوێندن داده‌برِێن و ده‌كه‌ونه‌ به‌ركارى قورس و تاقه‌ت پرۆكێن. هه‌روه‌ها هه‌ل و مه‌رجى ناله‌بارى سیاسی و كردارى ده‌سه‌لاتداران له‌ئێران، ته‌نیا هه‌ر سه‌ركووت و گه‌نده‌ڵى و كاولكاریه‌، كه‌ ئه‌و سیاسه‌ته‌ خراپ و ناته‌ندورستانه‌ راسته‌وخۆ كار ده‌كاته‌ سه‌ر مندالان و هه‌ل و مه‌رجى ده‌رونیان ناله‌بار و ناجێگیر ده‌كا.
كاتێك ده‌سه‌لات بایه‌خ به‌مندالان و شێوه‌ى په‌روه‌رده‌یان و جێگه‌ى كایه‌ و گاڵته‌كردنیان نادات. كاتێك مه‌دره‌سه‌ و ناوه‌نده‌كانى خوێندن و خانه‌ى مندالان له‌دواكه‌وتووترین شێوه‌ى به‌رێوه‌به‌رى و ئیستاندارده‌ جیهانیه‌كانن. كاتێك ژماره‌یێكى زۆر له‌مندالان كه‌سێكیان یان چه‌ند كه‌س له‌ئه‌ندامانى خانه‌واده‌یان له‌زینداندان و هه‌رِه‌شه‌ى ده‌سه‌لاتیان له‌سه‌ره‌، ئیتر چۆن ده‌كرێ مندالان دڵخۆش و هومێدوار بن و چاوه‌روانیه‌یان لێ بكرێ گه‌شه‌ بستێنن و به‌ره‌وپێش بچن. له‌ئێرانى ژێرده‌سه‌لاتى ئاخونده‌كان ژیان ئاسایی نییه‌، ته‌نانه‌ت، ده‌سه‌لاتداران ده‌خاڵه‌ت له‌چوارچێوه‌ى خانه‌واده‌شدا ده‌كه‌ن و ناهێڵن خه‌ڵك ئاسووده‌ بن، دیاره‌ له‌ هه‌ل و مه‌رجێكى ئاوادا، بێ گومان، مندالان تووشی حاڵه‌تى ده‌روونى ناله‌بار ده‌بن و ئه‌و وه‌زعه‌ كارده‌كاته‌ سه‌ر خوێندن و ئه‌رك و كاره‌كانیان. ئێرانێكى خاوه‌ن سه‌رچاوه‌ى به‌رین و زۆرى سروشتى كه‌ نرخى هه‌ر یه‌ك له‌و سه‌رچاوه‌ سروشتیانه‌، ملیاردها دۆلاره‌ و ئه‌گه‌ر به‌شێوه‌ى دروست كه‌ڵكیان لێ وه‌رگرێ، ده‌كرێ هه‌ر ئێرانیه‌ك به‌ئاسووده‌یی بژى. به‌لام ده‌سه‌لات به‌شێوه‌یێكى نازانستیانه‌ و دوور له‌ رێ وشوێنه‌ زانستی و ئابوورییه‌كان به‌ فیرۆیان ده‌ده‌ن. به‌ڵێ ئێرانێكى ده‌وڵه‌مه‌ند و پرِ له‌داهات و خاوه‌ن سه‌رمایه‌ به‌داخه‌وه‌، خێره‌كانى بۆ ترۆریسته‌كان و چه‌ك و چۆڵ كرین وهه‌روه‌ها له‌دژى میلله‌ت به‌ فیرۆ ده‌درێ.
بێگومان كاتێك ده‌توانین چاوه‌رێ بین كه‌ مندالان گه‌شه‌ بستێنن و پێش بكه‌ون كه‌ هه‌ل و مه‌رجى باشیان بۆ ئاماده‌ بكرێ، ژیانیان دابین بكرێ، هه‌رِه‌شه‌ى خانه‌واده‌ و دایك و باوكیان له‌سه‌ر نه‌بێ و به‌ شێوه‌ى دروست په‌روه‌رده‌ بكرێن. له‌وانه‌ش گرینگتر ئه‌وه‌یه‌ كه‌ ده‌سه‌لات ده‌بێ، ده‌سه‌لاتێكى دیموكراتیك بێ و به‌ردى بناخه‌ى ئه‌رك و فه‌رمانه‌كانى خزمه‌ت به‌ هاولاتیان و ده‌سته‌به‌ركرانى مافى هه‌ر تاكێك له‌كۆمه‌ڵگادا بێ. بۆیه‌ به‌داخه‌وه‌ تا ده‌سه‌لاتى ملهورى ئاخوندى حوكمى وولات بكا، هیچ كات مندالان هه‌ست به‌ ئاسووده‌یی ناكه‌ن. هه‌روه‌ها تا ئه‌و كاته‌ى فه‌رهه‌نگى په‌روه‌رده‌ كردن و بارهێنانى مندالان نه‌گۆرین و دوور نه‌كه‌وینه‌وه‌ له‌شێوه‌ بارهێنانى توند و ووشك كه‌ ده‌رفه‌ت و ده‌ورێك بۆ گه‌شه‌ى منداڵ له‌بار نابێ، گرانه‌ مندالان گه‌شه‌ بستێنن و ئاسووده‌ بن.
بۆیه‌ پێویسته‌ دایكان و باوكان به‌شێوه‌ى دروست هه‌لس و كه‌وت له‌گه‌ڵ منداڵه‌كانیان بكه‌ن و هه‌وڵ بده‌ن له‌توندوتیژى دوور بكه‌ونه‌وه‌. دیاره‌ هێندێك له‌په‌روه‌رده‌ و شێوه‌ى بارهێنانى كۆن جێگه‌ى بایه‌خن هه‌ر بۆیه‌ ده‌كرێ به‌له‌به‌رچاوگرتنى دیارده‌ باشه‌كانى رابردوو و تێكه‌ڵ كردنیان له‌گه‌ڵ دیارده‌ و شێوه‌ى په‌روه‌رده‌ى سه‌رده‌میانه‌، مندالان به‌ باشی و به‌شێوه‌ى شیاو په‌روه‌رده‌ بكرێن.
بێگومان جگه‌رگۆشه‌كان هیوا و هومێدى دوارۆژى دایك و باوك و كۆمه‌ڵگه‌ و نیشتمانن، هه‌ر بۆیه‌ بایه‌خ دان پێیان بایه‌خ دانه‌ به‌ نیشتمان و نه‌ته‌وه‌.
جارێكى دیكه‌ پێرۆزبایی رۆژه‌ مندالان له‌سه‌رجه‌م مندالانى كورد و مندالانى سه‌رانسه‌رى ئێران ده‌كه‌ین و هیوادارین به‌ وردى و به‌بایه‌خه‌وه‌ بروانینه‌ داهاتووى مندالان و به‌شێوه‌یێكى دروست و شیاو په‌روه‌رده‌یان بكه‌ین.
ڕێکه‌وت: 2010-06-05 08:31:53
به‌شی: ( وتاره‌کان )
(سیامه‌ند)





سیاسی