بە مەترسی ئەو بەرنامەیە دەكەن و ئەو راستیە دەزانن كە ئەگەر بێت و ئەو رژێمە دەستی بە چەكی ناوەكی رابگات چیتر حساب بۆ كەس ناكات و ئەگەری خۆڵقاندنی كارەسات لە جیهان و بە تایبەتی لە ناوچەكە دەبێت، هەر بۆیە وڵاتانی زلهێزی جیهان و ئەمریكا دەیانەوێت لە هەر رێگاێكی مۆمكنەوە پێش بە دەستراگەیشتنی رژێمی ئاخوندی بە چەكی ناوەكی بگرن. هەر چەندە رژێمی ئاخوندی بە بەردەوامی پێداگری لەسەر ئاشتیخوازانە بوونی بەرنامە ناوەكیەكەی دەكاتەوە، بەڵام بە پێی زانیاریەكان و ئەو بەڵگانەی كە لە ناوەندە ئەتۆمیەكانی رژێم دەستی لێكۆلەوەران لەو بوارەدا كەوتووە دەریدەخات كە مەبەستی رژێم لەو بەرنامەیە دەستراگەیشتن بە چەكی ئەتۆمیە و لەو پێناوەدا هەر كارێك دەكات تاكوو بۆمبی ئەتۆمی بەرهەم بێنێت.
ئەمریكا و پێنج وڵاتی زلهێزی جیهان لەم ماوەی رابردوودا هەوڵیان داوە لە رێگای پەسەندكردنی گەمارۆ و تەریك خستنەوەی ئەو رژێمە لە ناوو كۆمەڵگای جیهانی پێش بە ناوەكی بوونی رژێمی ئاخوندی بگرن و بە بەردەوامی بەرپرسانی كۆشكی سپی دووپاتی دەكەنەوە كە بژاردەی هێرشی نیزامی بۆ لە ناووبردنی ناوەندە ئەتۆمیەكانی ئەو رژێمە لەسەر مێزە و سەرەتا هەوڵ دەدەن لە رێگای وتووێژ و گەمارۆكانەوە پێش بەو كارە بگرن. هەر وەك دەبینین فشاری گەمارۆكان لە كۆتایدا وای لەو رژێمە كرد كە گوێ راێڵی وڵاتانی زلهێز ببێت و دەست لەو هەموو سەرمایەگۆزاریە ناوكیەكان هەڵبگرێت كە تاكوو ئەمرۆ خەڵكی ئێران تاوانەكەیان داوە و رژێمی ئاخوندی لە رووی ناچاریەوە رۆیشتە سەرمێزی وتووێژ.
وتووێژی رژێم و ئاژانسی نێونەتەوەیی وزەی ناوكەیی لە چەندین خۆلی پێشوودا بەرێوە چووە و هەر جارە و بە شێوەێك ئەو وتووێژانە شكستی خواردووە بە تایبەتی لە دەورانی سەرۆك كۆماری مەحموود ئەحمەدینژاد كە باوەری وابوو بە هەر نرخێك دەبێت درێژە بە بەرنامە ناوكەیەكەی رژیئَمی ئاخوندی بدرێت و كۆمەڵگای نێونەتەوەیش سوور بوو لەسەر زیاد كردنی گەمارۆكان بە شێوەێك رژێمی ئاخوندی ناچار كرد لە دەورانی سەرۆك كۆماری رۆحانیدا باس لە نەرمشی قارەمانانە و خواردنەوەی جامی زەهر بكات و ئەوەش بوو بە هۆی ئەوەیكە ناچار بێت گەر بۆ ماوەێكی كاتیش بێت بەرنامە ناوكەیەكەی رابگرێت تاكوو بەو شێوەیە پێش بە رووخانی ئابووری وڵات و فراوانكردنی گەمارۆكان بگرێت. هەر چەندە ئەم بریارەی رژێم بوو بە هۆی نارەزایەتی زۆربەی لایەنە توندرەوەكانی ناو دەسەڵات و بە شێوەی جۆراوجۆر نارەزایەتی خۆیان لەو بریارەی رژێم نیشان دا بەڵام راستیەكەی ئەوەیە كە رێوشوێنی وتووێژەكان و بریاردەری شكست یان سەركەوتنی ئەو وتووێژانە هیچ كام لەو كەسانە نین كە وەك ئەندامی وتووێژكەری دوو لایەن لە سەر مێزی وتووێژدا ئامادە دەبن، بەڵكوو یاریزانی سەرەكی ئەو ساحەیە كەس نیە جگە لە باراك ئۆباما سەرۆك كۆماری ئەمریكا و عەلی خامنەیی رێبەری رژێمی ئاخوندی كە لە راستیدا ئەو دوو كەسەش ئەتوانین بڵێن هەر كامە و بە دوای دەستراگەیشتن بە ئارەزوەكانی خۆیانن لەو وتووێژانەدا و ئەوەیكە وەك خاڵی هاوبەش لە نێوان باراك ئۆباما و خامنەییدا لەم دەورە لە وتووێژەكان بە دی دەكرێت سوور بوونی هەردوو لایەنە لەسەر ئەوەیكە دەبێت بە رێكەوتن بگەن. بەڵام هەر كامە و بە هۆكاری جیاواز.
رژێمی ئاخوندی هەوڵ دەدات لە رێگای گەیشتن بە رێكەوتنی ناوەكی خۆیان لە ژێر باری قۆرسی گەمارۆكان نەجات بدەن و تاكوو ڕادەییكی هەر چەند كەم لە نارەزایەتیەكانی خەڵكی ئێران كەم بكەنەوە و باراك ئۆباماش كە بە هاتنە سەر كاری وەك سەرۆك كۆماری ئەمریكا نیشانیداوە كە لە سیاسەتی دەرەكی وڵاتەكەی شكستی خواردووە و كەوتووەتە بەر رەخنەی توندی نەیارانی لە ناوخۆ و دەرەوەی وڵاتەكەی ، دەیەوێت بە گەیشتن بە رێكەوتنێكی ناوكەی لەگەڵ رژێمی ئاخوندی لانیكەم باری قۆرسی شكستی سیاسەتی دەرەكی وڵاتەكەی كەم بكاتەوە و بە شێوەێكیتر نەیارانی تاكوو رادەیك رازی بكات كە بتوانێت لە خۆلی دووهەمی سەرۆك كۆماریدا پاڵپشتی لێ بكەن.
ئەوەیكە لە چەند مانگی رابردوو بوو بە جێگای مشت و مڕی ناوەندەكانی دەنگ و باس و كۆمەڵگای نێونەتەوەیی بە خۆیەوە سەرقاڵ كردبوو وتووێژەكانی ویەن و رازی بوونی دوو لایەن لە سەر كۆمەڵێك خاڵ و بابەت بوو كە لە ئاكامدا ماوەێكی شەش مانگەیان دیاری كرد كە لەو ماوەیەدا بتوانن رێوشوێنێكی گونجاو بدۆزنەوە بۆ گەیشتن بە رێكەوتنی ناوكەی، بەڵام راستیەكەی ئەوەیە كە كۆمەڵگای نێونەتەوەیی و بە تایبەتی ئەمریكا دەبێت زۆر هۆشیارانە لەگەڵ رژێمی ئاخوندی مامەڵە بكات تاكوو كوریای باكوور دووبارە نەبێتەوە. چونكوو باوەر كردن بە رژێمی ئاخوندی كە دەیەوێت دەست لە بەرنامە ناوەكیەكەی هەڵبگرێت و لەگەڵ كۆمەڵگای نێونەتەوەییدا رێك بكەوێت شتێكی مەحاڵە.
چونكوو مێژوو ئەوەی نیشانداوە كە رژێمی ئاخوندی قەد دەست لە پاڵپشتیكردنی تیرۆریزم هەڵناگرێت و لە رێگای بە هەدەردانی سەرمایەی خەڵكی ئێران پاڵپشتی لە حیزبۆڵای لۆبنان و گرووپە توندرەوە شێعەكان دەكات وەك ئەوەیكە لە ماوەی چەند ساڵی رابردوو بە كردەوە سەلماندوویە، بەڵگەی حاشا هەڵنەگریش بۆ ئەو قسەیە پاڵپشتیكردنی ئەو رژێمە لە دەسەڵاتی دژە مرۆڤانەی بەشارئەسەد و رژێمەكەیەتی كە لە ماوەی سەرهەڵدانی نارەزایەتیەكان لەو وڵاتەدا تاكوو ئەمرۆ زیاتر لە 200 هەزار خەڵكی بێتاوان لەو وڵاتەدا كوژراون و بە ملیۆنانیتریش ئاوارە بوون. خاڵێكیتر كە دەبێت ئاماژەی پێ بكەین ئەوەیە كە سەرقاڵی كۆمەڵگای نێونەتەوەیی بە بەرنامەی ناوكەی رژێمی ئاخوندیەوە بووە بە هۆی پشت گوێ خستنی بارودۆخی مافی مرۆڤ لە ئێران.
سەرهەڵدانی دەوڵەتی ئیسلامی لە عێراق و شام ناسراو بە داعش و هێرشی بۆ سەر عێراق و سوریە و كوردستان لە كاتێكدا كە جیهان چاوەروانی ئاكامی وتووێژەكانی ویەن و كۆتایهاتنی ماوەی شەش مانگی دیاریكراو بوون بۆ بینینی ئەوەیكە ئایا ئەم خۆلەی وتووێژەكانیش وەك ئەوانەی پێشوو بە شكست ئەگات یان بە پێچەوانەی ئەوانیتر رێكەوتنێكی لێ دەكەوێتەوە؟ ئیستا داعش
جیهانی بە خۆیەوە سەرقاڵ كردووە و ئەمریكا و وڵاتانی رۆژئاوایی كەوتونەتە بەربەرەكانێ لەگەڵ ئەو گرووپە توندرەوە.
لە كۆتاییشدا دەتوانین بڵێین هاتنی داعش ئەوەندەی كە قازانجی بۆ رژێمی ئاخوندی هەیە زەرەری نەبووە، لە لاێكەوە چاوی كامێرەكانی لەسەر بەشارئەسەد كە رژێم بە هەموو هێزی خۆیەوە لە فكری پاراستنیەتی كەم كردەوە و لە لاێكیتریشەوە بەرنامە ناوكەیەكەی رۆژەڤ نەماوە و كاریگەری سەرهەڵدانی داعش كە جیهانی بە خۆیەوە سەرقال كردوە،لوم كاتەدا دەتوانێت بە ئاسانی پەرە بە بەرنامە ناوەكیەكەی خۆی بدا و لە دەستراگەیشتن بە چەكی ئەتۆمی نزیك بێتەوە. هەر وەك لە ماوەی رابردوودا بڵاو كرایەوە رژێم سەرقاڵی ئالوگۆركردن بە شوێنی ناوەندە ئەتۆمیەكانیەتی و كۆمەڵگای نێونەتەوەیی لە كاتێكدا سەرقاڵی بەربەرەكانێ لەگەڵ داعشە نابێت بەرنامە ناوەكیەكەی رژێم فەرامۆش بكات