خۆی روبەروو بوەوە. عیسا رێنۆێنی خەڵكی دەكرد تا بە ئاشتی و هێمنایەتی و لێبوردوویی لە جیهانێكی دوور لە جەنگ پێكەوە ئاسودە بژین بەڵام هەوڵەكان و رێنوێنیەكانی عیسا مەسیح و تێكرای نێردراوانی خودا تا ئێستاش وەك پێویست نەیتوانی كۆمەڵگەی مرۆڤایەتی لە ئازارو ستەم و دیكتاتۆری رزگار بكات. لەم سەردەمەدا كە سەردەمی پێشكەوتنی زانست وهەروەها پێشكەوتن و گەشەی خەباتی ئازادیخوازی و یەكسانیخوازیە، دەسەڵاتداری دیكتاتۆری رژیمی ئاخوندی ئێران و حكومەتە دیكتاتۆرەكانی هاوشێوەی رژیمی ئێران، لە خۆرهەڵاتی ناوەراست و سەرانسەری جیهان وهەروەها تاقم و دەستە ترۆریستیەكانی وەك داعش بە شێوەی زۆر دڕندانە مرۆڤەكان لە سەر بۆچوونی جیاواز لە خۆیان و تەنانەت بە بێ هیچ بیانۆێك دەكوژن و قەتڵ و عام دەكەن. جینایەت و مرۆڤ كوژی رژیمە دیكتاتۆرییەكانی هاوشێوەی رژیمی ئاخوندی ئێران و هەروەها تاقمە ترۆریستیەكانی وەك (داعش)لە مێژووی دوور و نزیكی مرۆڤایەتی وەك قێزەونترین و دزێوترین جینایەتەكان دەمێنێتەوە.
هاونیشتمانیانی كوردستان
خاوەنباوەرانی مەسیحی لە كوردستان
هومێدوارم سەردەمێك بێتە پێش كە خاوەنباوەرانی ئەدیان و مەزهەبەكان بە تایبەت و تێكرای دانیشتوانی ئێران و كوردستان لە ستەم و بیعەداڵەتی رزگاریان بێ و لە جیهانێكی ئارام و ئازاد و دوور لە چەوسانەوەو بە ئاسودەیی بژین. هەر بەم بۆنەوە لە خوای گەورە داواكارم هاونیشتمانی كورد لە كوردستانی عێراق بە تێكراو خاوەنباوەرانی مەسیحی لە عێراق و كوردستان لەو هەلومەرجە نالەبارەی كە بە هۆی هێرشی ترۆریستانی داعش تێی كەوتوون رزگار بكاو بە زوویی شاهیدی ئاسایش و ئارامی لە عێراق و كوردستان بین و ساڵی 2015 ئاواتەكانی تێكرایی تێدا وەدی بێ و هەروەها هومێدوارم خەڵكی و ەزاڵەهاتوی ئێرانیش شاهیدی روخانی رژیمی دیكتاتۆری ئاخوندی بن.
بە ئاواتی سەركەوتنی خەباتی ئازادیخوازانە لە ئێران و تێكرای جیهان و هاتنە دیی ئازادیی بۆ گەلی ستەملێكراوی كورد،جارێكی دیكە هاتنی ساڵی نۆێی زایینی تان لێ پیرۆز بێ.
سازمانی خەبات ی كوردستانی ئێران
بەرێوەبەری گشتی
باباشێخ حسێنی
25ی دیسامبری 2014