كە ناچارن لە هەر رێگە و فریوكارییەك خۆیان لە دەسەڵات بهێڵنەوە. شێوە رێكەوتنی ئێران و وەلاتانی 1+5 زیاتر وەك ساتەوسەودا و رێكەوتنی كەسێكی مایەپووچە كە بە جێگەی ئەو قەرزەی بە خەڵكی هەیە دەبێ قازانجێكی زیاتر بدات، ئێستا دیار نییە كە ئایا دەتوانێ جگە لە مایەكەی هیچ قازانجێك بدات یان نا؟ بەڵام بە كام سەرچاوە و سەرمایەوە؟ رژیمی مایەپووچی ئاخوندیی عادەتی بە خواردنی جامی ژەهر كردووە. هێشتا هیچ لایەنێكی ئەو لێكگەیشتنە دیار نییە و كاتێكی زۆر بەسەر ئەو شێوە رێكەوتنە تێناپەرێ كە متمانەی جیهانی بەو رژیمی لە ئاستێكی زۆر نزم دایە و ئاكار و كردەوەی حكوومەتی ئاخوندی پڕ لە چاوپۆشین. هەڵگرتنی تەحریمەكان بە شێوەی قۆناغ بە قۆناغ پشتی حكومەت دەشكێنێ. ژێرخانەكان لەناو چوون و ئەوە بە مانای مردنی قۆناغ بە قۆناغی حكوومەتی ئاخوندەكانە. عەقلی تەندورست پێمان دەڵێ نابێ روانگەیێكی هەستەوەرانەمان لە راست ئەو لێك گەیشتنە هەبێ و هێشتا كاتێكی زۆر پێویستە بۆ ئەوەی راستیەكانمان سەبارەت بەو لێكگەیشتن و رێكەوتننامەی داهاتوو بۆ دەركەوێ . هەڵبەت ئامانجی رۆژئاوا لەو رێكەوتنە بە روونی دیارە و سەرەتا كورت كردنەوەی دەستی ئاخوندەكان لە گەیشتن بە چەكی ناوكەیی و لەدوای لە گۆر نانی ئەو خەونە كەڵك وەرگرتن لە سەرچاوەكانی نەوت و گاز و باقی سەرچاوە سروشتیەكانە. بە گشتی هەڵاوسان و فشاری ئابووری وەك خۆیەتی و هەروەها پێشێلكردنی مافەكانی مرۆڤ و سەركووتی هەر جۆرە دەنگێكی ئازادیخوازانە لە لایەن رژیمی ئاخوندییەوە وەك خۆی دەمێنیتەوە.
سەرەتانی گەندەڵیی سیستەمی ئاخوندیی نەك تەنیا هەموو ژێرخان و ئەندامەكانی ئەو نیزامەی لاواز كردووە بەڵكو بەو لێك تێگەیشتنەی ئەم دواییانەش بە گشتی ناوەرۆكی ئەو حكوومەتە كە ئیدعای خەلافەتی موسلمانانی جیهانی هەیە، بۆ خەڵك زیاتر لە رابردوو روون بۆتەوە كە هەر جۆرە رێكەوتن و هەر جۆرە ئالوگۆرێكی دەرەكی و ناوخۆیی قازانجێكی بۆ میللت نییە ، خەونی پووچی حكوومەت بۆ دروست كردنی بۆمبی ئەتۆمی بۆتە مۆتەكەیێكی مەرگهێنەر و ئەو رێكەوتنە خۆی جۆرێك لە چاشنی تەقینەوەیە بۆ ئاخوندكان كە دواجار بە لەناوچوونیان كۆتایی پێ دێ. بە گشتی ئەو رێكەوتنە جۆرێك كردەوەی خۆكوژی بوو كە لە نیوان بژاردەی خەراپ و خەراپتر وادەزانن بژاردەی خەراپیان هەڵبژاردووە.
بەرێوەبەریی گەمژانەی ئاخوندەكان باشتر لەوە نابێ، چوونكە لە حەقیقەت دا ئەوان نە خاوەنی عیلمی سیاسی پێویستن، نە ئەوەی كە دەیانهەوێ تێگەیشتنێكی دروستیان لەسەر رووداوەكان هەبێ كە ببێتە مایەی خێر و قازانج بۆ خەڵك. لەبەرئەوەی كە بناغە و سروشتی دیكتاتۆری تەنیا دیكتاتۆرییە.
ئاخوندەكان هیچ ئیمتیاز و قازانجێكی خەڵك و گەلانی ئێران لەبەرچاو ناگرن و تەینا بەو كردەوە خۆكوژییە دەیانهەوێ لە فشاری تەحریمەكان رزگارییان ببێ و بناغەی ئەو رێكەوتنە بۆ ئاخوندەكان لابردنی تەحریمە تاقەتپرۆكێنەكانە، ئەویش بۆ ماوەیێكی كورت چوونكە رۆژئاوا بە باشی دەزانێ و ئاگادارە كە ئاخوندەكان بناغەی كاریان لەسەر درۆ و فرت و فێڵە و ماوەی ئەو 10 ساڵەی كە لەناو رێكەوتنەكە هاتووە ناگاتە سالێكیش كە لە لایەن ئاخوندەكانەوە دەشكێندرێ سەرلەنوێ كێشەكانی نیوان ئاژانس و رژیم و بە گشتی رۆژئاوا سەرهەڵدەداتەوە و بەشێكی زۆریشی لە ئەنجامی ناكۆكیە قووڵەكانی ناوخۆییە. ئەو رێكەوتنە تەنیا هێوەركەرەوەیێكی كاتیە بۆ نیزامی ئاخوندیی و لە راستی دا كۆمەڵگای حیهانیش بە باشی لەسەر دارمان و هەرەس هێنانی ئەو رژیمە بە قەناعەت گەیشتوون و هەر ئەوەش بوو بە هۆی ئەوەی كە لە رێگەی خاڵە لاوازییەكانی، رژیم ناچار بە پێمل بوون بە داواكانی خۆیان بكەن. لە لایێكی ترەوە هێشتا كاتێكی زۆر بەسەر ئەو لێكتێگەیشتنە تێنەپەریوە كە زۆربەی ئەندامانی حیزبی كۆماریخواز نارەزایەتی خۆیان دەرخستووە و گەڵاڵەی سەنایان سەبارەت بەو لێك گەیشتنە پەسەند كرد. هەر لەو پێوەندییەدا جان بینێر سەرۆكی مەجلیسی نوێنەرانی ئەمریكا لێكدانەوەیێكی سەرەنج راكێشی هەیە. ناوبراو دەڵێ: لە كۆی ئەو بابەتانەی كە سەبارەت بەو رێكەوتنە ئەتۆمیە بیستوومە روون دەبێتەوە كە ئەو رێكەوتنە تەنیا رێكەوتنێكە بۆ بەردەوامی لەسەر قسەكردن و ووتووێژ. ناوبراو ووتی: لەسەر نارەزایەتیەكانی خۆمان بەردەوام دەبین و بابەتێكی جیددی لەو رێكەوتنە نابینین تا نیگەرانیەكانمانی پێ بڕەوێنینەوە. حیزبی كۆماریخواز كە لە ئێستا دا زۆرینەی سەنای ئەمریكای لەدەست دایە و زۆربەیان لەگەڵ ئەو رێكەوتنە دژایەتیان هەیە بە نووسینی گەڵاڵەیێك لە سێنا ئۆبامایان ناچار بەوە كرد كە هەر جۆرە رێكەوتنێك لەگەڵ ئێران دەبێ بە فیلتێری سەناوە تێپەرێ و دواجار ئوباما ناچار بوو مڵ بۆ ئەو گەڵاڵەیە نەوی بكات و بە جۆرێك شكستێكی سیاسی بوو بۆ دەوڵەتی ئێستای ئەمریكا كە بە بروای سەناتۆرەكان دەیانهەوێ بە هەر نرخێك بێ بگەنە رێكەوتن لەگەڵ ئێران.
بە گشتی ئەو رێكەوتنە هیچ جۆرە زەمانەتێكی ئیجرایی نییە لەماوەی ئەو 10 ساڵەی ئاماژەی پێكراوە و بە سەرەنج دان بە فشارە نێودەوڵەتیەكان و تاوانەكانی حكوومەتی ئاخوندی ئەو شێوە رێكەوتنە تەنیا خواردنەوەی جامێكی ژەهر بوو كە پێكهاتەی حكوومەتی زیاتر داڕماند و دواجار ەبێتە هۆی لەناوچوونی یەكجاریی دەسەڵاتی ئاخوندەكان. سەرەرای هەموو ئەو راستیانەش هەر جۆرە سات و سەودا و رێكەوتنێكی نێودەوڵەتی لەگەڵ دەسەڵاتدارانی ئێران ئەسڵی خەبات دژی دیكتاتۆری تا رووخانی یەكجاریی ئاڵوگۆری بەسەر دا نایە و هیچ جۆرە گۆڕانێكی دەرەكی لە راست رژیم ئەو بناغە پتەوە لە لای گەلانی ئێران ناگۆرێ.