سەرخستنی‌ خەباتی مافویستی لەپێناو كۆمەڵگەیەكی پێشكەوتوودا



كۆمەڵگا بە ئازادی و ئارامی ژیان و گەیشتن بە مافەكانی هەردوو رەگەزیەوە دەبێتە كۆمەڵگەیەكی سالم و مۆدێڕن و پێشكەوتوو.
لە كۆنەوە و لە سەردەمەكانی پێش مۆدێڕنیتە و سەدەی بیستەم، و هەروەها سەردەم دوای سەردەم، بارودۆخی ئافرەتان و تەنانەت كۆمەڵگاكانیش جیاوازبوون و ڕەفتارو ڕووبەڕووبونەوە لەگەڵ هەریەكە لە چینەكانی كۆمەڵگاو بەتایبەتیش ئافرەتان تایبەت بووە لەگەڵ سەردەمی تایبەتی خۆی، لەكۆندا قۆناغ هەبووە كە ئافرەتان وەك بەردەو كۆیلە لێیان ڕوانراوە و وەك ئامرازێكی بازرگانی بەكاریان هێناون، هەروەها سەردەمیش هەبووە كە ئافرەت سالار و باڵادەست و خاوەن توانا و داهێنان و كارامە بووە. سەردەمیش هەبووە كە هەردو ڕەگەزەكە بە جیاوازییەكی كەمتر لە یەك پێكەوە ژیاون و تا رادەیێك دەوری تەواوكەری یەكدیان گێڕاوه، و ئەوە هیوا و خولیای هەموو ویژدانێكی وەخەبەرە كە سەردەمێكیش بێ بە تەواوی مانای بەرابەری و عەداڵەت لە نێوان هەردوو رەگەز جێگیر بێ و بە مانای ووشە دۆزێك بە ناوی دۆزی ژنان و كێشە و گرفتەكانیان وەك رەگەز بوونی نەمێنێ‌.
ئەگەر بمانهەوی بە وردی باسی سەردەمە جۆراوجۆرەكان بكەین و نادادپەروەری و ناعەدالەتیەكانی سەر ژنان تاوتوێ‌ بكەین، ئەوە كاتێكی زۆر دەخاێنێ‌ و زیاتر مەبەستەكە ئاماژەیێكی خێرا بە بێ مافی و چەوساندنەوەكانی توێژی ئافرەت بە سەردەمی ئێستایە كە بەداخەوە ئەوەی دەبیندرێ‌ بەردەوامی و بنبڕ نەبوونی كێشەكانی ژنان بە تایبەت لە وەڵاتە دیكتاتۆرلێدراوەكانە.
هەر كێشەو گرفت و دیاردەیەكی كۆمەڵگا لەگەڵ بوونی زیان و لێكەوتەو قوربانیەكانی، بێگومان دەكرێ چارەسەر و رێگەچارەی دروست و شیاویشی بۆ بدۆزرێتەوە بەپێی رێژە و چەندوچۆنایەتی ئەو دیاردە و كارەساتانە.
گەورەترین بەربەست لە هەمبەر گەیشتنی ئافرەتان بە مافەكانیان ئەوەی لە كۆنەوە تا ئێستاش بە بەربڵاوی بەرۆكی ژنانی بەرنەداوە، دیاردەیێكە بە ناوی بێدەنگ بوون و قبووڵ كردنی ستەم و چەوسانەوەكانە و بە نۆرماڵ بینی هەموو ئەو توندوتیژی و ستەمانەیە كە لە لایەن خێزان یان كۆمەلگا یان خود دەسەڵاتی سیاسیەوە بەرێوە دەچێ. ئەوە دیاردەیێكی کشندەیە كە هێندەی سورەت مەسەلەكە و خودی كێشەكە كە كێشەی ئافرەت بە گشتیە ئازاربەخشتر و خەمهێنەرترە. لەوانەیە ئاسایی بێ كەسانێك ویستی زێدەخوازیی و قبووڵ نەكردنی ئەوی تر وا بكات دەست بداتە ستم و چەوساونەوە و زوڵم، بەڵام ئەوەی ئاسایی نیە ئەوەیە كە ئەو ویستە نابەجێیە هیچی لەبەرانبەر نەكرێ‌ و بێدەنگ بین و رێگە بە بەردەوامی ئەو كوشتنە روحی و رەوانیە بدەین.
لە ئاستی نێونەتەوەیی دوو حەوتوو دیاری كراوە وەك حەوتووی بەرەنگاربوونەوەی توندوتیژی دژی ژنان، لەو ماوە زەمەنیەدا بەلێشاو باس لە بێ مافی و سەركوت و چەوساندنەوەكان و ئەو زوڵمانەی دەرحەق بە ئافرەتان دەكرێ، دەخرێنە بەرباس و لێكدانەوە، كۆڕو سیمینارەكان تەرخان دەكرێن بۆ ئەو باسانە، لەگەڵ هەموو ئەمانەشدا ئەو ڕەوتە هەر درێژەی هەیە و كۆتایی نەهاتووە.
بۆ پێشگرتن لەو دیاردەیەی لەسەرەوە ئاماژەم پێدا، ناوەندی ژنانی رۆژهەلات كەمپەینێكیان بە ناوی كەمپەینی ((بێدەنگی بشكێنن )) ڕاگەیاندووە و هەوڵەكان بۆ ووشیاری كۆمەلگا و ئاگاداركردنەوەی ژنانی كورد دەستی پێكردووە و ئیتر كاتی ئەوە هاتووە كە بەجددی و بەشێوەیەكی پراكتیكی بكەوینە تێكۆشان لەپێناو بنبڕكردنی زوڵم و زۆر و ناحەقی رەگەزێك بەرامبەر رەگەزێكی دیكە لەهەموو پانتاییەكانی ژیان.
ئەوە حەقیقەتە كە ئافرەت لەگەڵ پیاو بەتەواوی جیاوازە و هەر بەو جیاوازی فیزیكی و ئەقڵیەوە خوڵقاون، كەوایە دەبێ ئەوە ڕوون ببێتەوە كە ئەوە سروشتەو ناكرێ بگۆڕدرێ، بەڵام ئەوە ڕوونە كە هەردوولا هاوكات مرۆڤن و حەق و مافی ژیانێكی ئارام و بێ چەوسانەوەیان هەیە.
ئەوەش ئەو راستیەیە كە پێویستی هەموو تاكێكی كورد چ ژن و چ پیاو بیزانن و نەك هەر زانین بەڵكوو باوەری پێ بێنن و ئەگەر یاساش لە ئێستادا پشتگیری ئەو بۆچوونە نەبێ، پێویستە ببێتە كلتوورێك كە لەناو كۆمەڵگا كاری پێ بكرێ‌.
ئەوەی گرنگە ئەوەیە كە تێكۆشانەكانی ئێمە لەو پێناوەدابێ كە هەردوو ڕەگەز ماف و ئەركی خۆیان بزانن بەرامبەر بەیەكتری لەژیانی هاوسەرگیری داو هەروەها بەرامبەر كۆمەڵگاو خێزان و منداڵ و كەسانی دەوروبەر، لەژیانی هاوبەشدا پێویستە هەردوو ڕەگەز وەك دوو هاوبەشی حەقیقی دەور بگێڕن و ئەركی ژیانەكەیان بە هاوبەشی و ڕاوێژی یەكتر ئەنجام بدەن، نەك یەكیان فەرماندەر و ئەوی دیكە فەرمانبەر بێ.
هاوكات لە هەر وڵاتێكدا بە ئەندازەیەك هەریەكە لە دەسەڵات، یاسا، كۆمەڵگا، خێزانەكان دەخیلن لە چارەسەرو دۆزینەوەی رێگەچارەی كێشەو گرفتەكان، سەرەتا پێویستە دەسەڵات و یاسا بە كەڵك وەرگرتن لە سەرچاوەو هەڵسەنگاندنی تواناكان.... پەیڕەو كردنی سیاسەتی ئاپارتایت و بەپێی عەقاید و عەقڵیەتی خۆیان، یاساكان دانەڕێژن و كاری پێنەكەن.
دواتریش كۆمەڵگا دەبێ هۆشیار بكرێتەوەو پاكسازی بكرێ لەنێوان كولتور و داب و نەریتە كۆن و بەسەرچووە باوەكان و بەپێی سەردەم لەگەڵ بابەتەكان ڕووبەڕوو ببنەوە، ئەو دیاردانەی كە بێزراون و جگە لە سەختی و كارەسات هیچ شتێكی تێدانیە بۆ تاكی ڕەگەزایەتی، وەلا بنرێن و بخرێنە زبڵدانەوە.
وە خێزان كە بناغەی دروستكردنی كۆمەڵگای سالمە، پێویستە پێڕەوی لەو یاسایانە بكات كە نابێ بەهیچ جۆرێك جیاوازی لەنێوان كچ و كوڕدا بكات، پێویستە خانەوادە منداڵەكانیان وا باربێنن كە لەڕووی ماف و ئەركەوە وەك یەك و هەردوكیان دەتوانن وەك مرۆڤ هەوڵی مافەكانیان بدەن و بۆیان فەراهەم بكرێ، نەك لەپێناو یەكیان، یەكیان بچەوسێندرێتەوە.
لەگەڵ ئەوەشدا پێویستە دایك و باوك ببنە ئولگوی منداڵەكانیان بۆ فێربوونی رەفتار و شتی باش.
چونكە یەكەم سەرچاوەی فێربوونی منداڵ دایك و باوكیەتی، و ئەوەندەی بە دیتنی كردەوە و ڕەفتارەكان سیگناڵ وەردەگرێ، ئەوەندە بە قسەو كەلام شت فێرنابێ، كەواتە منداڵ درێژەدەری رەفتاری گەورەكانیەتی.
منداڵێك كە باش پەروەردە كراو تەحویلی كۆمەڵگا درا، ئەوکاتە کۆمەڵگەیەکی پێشکەوتوو و تەندروست بینا دەکرێ.
ڕێکه‌وت: 2019-12-06 09:25:19
به‌شی: ( لاپه‌ڕه‌ی ئازاد )
شیلان محەممەدی



TAGS/ سەرخستنی‌,خەباتی,مافویستی,لەپێناو,كۆمەڵگەیەكی,پێشكەوتوودا
TITLE/سەرخستنی‌ خەباتی مافویستی لەپێناو كۆمەڵگەیەكی پێشكەوتوودا


خوێنه‌ران له کاتی گه‌ران بۆ ئه‌مانه‌ی خواره‌وه‌ توانیویانه‌ ئه‌و نووسینه بدۆزنه‌وه‌

سەرخستنی‌ ** خەباتی ** سەرخستنی‌ خەباتی ** مافویستی ** سەرخستنی‌ مافویستی ** خەباتی مافویستی ** سەرخستنی‌ خەباتی مافویستی ** لەپێناو ** سەرخستنی‌ لەپێناو ** خەباتی لەپێناو ** سەرخستنی‌ خەباتی لەپێناو ** مافویستی لەپێناو ** سەرخستنی‌ مافویستی لەپێناو ** خەباتی مافویستی لەپێناو ** سەرخستنی‌ خەباتی مافویستی لەپێناو ** كۆمەڵگەیەكی ** سەرخستنی‌ كۆمەڵگەیەكی ** خەباتی كۆمەڵگەیەكی ** سەرخستنی‌ خەباتی كۆمەڵگەیەكی ** مافویستی كۆمەڵگەیەكی ** سەرخستنی‌ مافویستی كۆمەڵگەیەكی ** خەباتی مافویستی كۆمەڵگەیەكی ** سەرخستنی‌ خەباتی مافویستی كۆمەڵگەیەكی ** لەپێناو كۆمەڵگەیەكی ** سەرخستنی‌ لەپێناو كۆمەڵگەیەكی ** خەباتی لەپێناو كۆمەڵگەیەكی ** سەرخستنی‌ خەباتی لەپێناو كۆمەڵگەیەكی ** مافویستی لەپێناو كۆمەڵگەیەكی ** سەرخستنی‌ مافویستی لەپێناو كۆمەڵگەیەكی ** خەباتی مافویستی لەپێناو كۆمەڵگەیەكی ** سەرخستنی‌ خەباتی مافویستی لەپێناو كۆمەڵگەیەكی ** پێشكەوتوودا ** سەرخستنی‌ پێشكەوتوودا ** خەباتی پێشكەوتوودا ** سەرخستنی‌ خەباتی پێشكەوتوودا ** مافویستی پێشكەوتوودا ** سەرخستنی‌ مافویستی پێشكەوتوودا ** خەباتی مافویستی پێشكەوتوودا ** سەرخستنی‌ خەباتی مافویستی پێشكەوتوودا ** لەپێناو پێشكەوتوودا ** سەرخستنی‌ لەپێناو پێشكەوتوودا ** خەباتی لەپێناو پێشكەوتوودا ** سەرخستنی‌ خەباتی لەپێناو پێشكەوتوودا ** مافویستی لەپێناو پێشكەوتوودا ** سەرخستنی‌ مافویستی لەپێناو پێشكەوتوودا ** خەباتی مافویستی لەپێناو پێشكەوتوودا ** سەرخستنی‌ خەباتی مافویستی لەپێناو پێشكەوتوودا ** كۆمەڵگەیەكی پێشكەوتوودا ** سەرخستنی‌ كۆمەڵگەیەكی پێشكەوتوودا ** خەباتی كۆمەڵگەیەكی پێشكەوتوودا ** سەرخستنی‌ خەباتی كۆمەڵگەیەكی پێشكەوتوودا ** مافویستی كۆمەڵگەیەكی پێشكەوتوودا ** سەرخستنی‌ مافویستی كۆمەڵگەیەكی پێشكەوتوودا ** خەباتی مافویستی كۆمەڵگەیەكی پێشكەوتوودا ** سەرخستنی‌ خەباتی مافویستی كۆمەڵگەیەكی پێشكەوتوودا ** لەپێناو كۆمەڵگەیەكی پێشكەوتوودا ** سەرخستنی‌ لەپێناو كۆمەڵگەیەكی پێشكەوتوودا ** خەباتی لەپێناو كۆمەڵگەیەكی پێشكەوتوودا ** سەرخستنی‌ خەباتی لەپێناو كۆمەڵگەیەكی پێشكەوتوودا ** مافویستی لەپێناو كۆمەڵگەیەكی پێشكەوتوودا ** سەرخستنی‌ مافویستی لەپێناو كۆمەڵگەیەكی پێشكەوتوودا ** خەباتی مافویستی لەپێناو كۆمەڵگەیەكی پێشكەوتوودا ** سەرخستنی‌ خەباتی مافویستی لەپێناو كۆمەڵگەیەكی پێشكەوتوودا **