سازمانی خه‌باتی کوردستانی ئێران
خەباتمێدیا: بەریتانیا لە سزا نوێیەکانی مافی مرۆڤدا بەرپرسانی ئەمنییەتی ڕژیمی کردە ئامانج.
بە پێی ڕاپۆرتی ڕۆیتەرز، ڕۆژی پێنجشەممە ١٥ی پووشپەڕ، بریتانیا سزای زیاتری بەسەر بەرپرسان و ڕێکخراوە ئەمنییەکانی کۆماری دەسەڵات بە هۆی پێشێلکارییەکانی مافی مرۆڤ لە ئێران، لەوانە ئازادی ڕادەربڕین و کۆبوونەوەی ئاشتیانە، پەسەند کرد.
سزا نوێیەکان بەرپرسانی بەندیخانەکانی ڕژیم و دامودەزگا حکوومەتییەکانی پێوەندیدار بە ئەمنیەتی سایبێری دەسەڵات، لەوان فەرماندەی بەرگریی سایبێریی سپای ترۆریستی پاسدارانی، ڕاگەیەندراوە.
سزاکان بریتین لە قەدەغەکردنی گەشت و گوزار و داخستنی داراییەکانیان کە ڕێگری لە کۆمپانیا بریتانییەکان دەکات کە بازرگانی لەگەڵ ئەو کەسانەدا بکەن کە سزایان بەسەردا خراوه.
ئاژانسی هەواڵی ڕۆیتەرز ڕایگەیاند، بریتانیا بە هاوبەشی لەگەڵ یەکێتیی ئورووپا و ئەمریکا چەند خولێکی گەمارۆکانی سەر ڕژیمی ئاخوندی ئێران دوای شەهید کرانی ژینا ئەمینی ڕاگەیاندووە.
