سازمانی خه‌باتی کوردستانی ئێران
پێنج هاووڵاتیی خەڵکی شنۆ بە ناوەکانی هیوا شەریفی، تەمەن ١٦ ساڵ، شوان بابەکری، تەمەن ٣٩ ساڵ، شەفیع بابەکری، تەمەن ٣٦ ساڵ، شاهین ئیبراهیمی، تەمەن ٢٨ ساڵ و ساڵح سەخاوات، تەمەن ٣٧ ساڵ، لەلایەن دەزگای فاسد و ساختەچی قەزایی ڕژیم لە شاری شنۆ، سەرجەم سزای ٢١ مانگ بەندکردنیان بەسەردا سەپاوە.
بەگوێرەی ئەو بڕیارەی بێدادگای ڕژیم، هیوا شەریفی سزای ٣ مانگ بەنەکردنی بەسەردا سەپاوە، شوانە بابەکری و شەفیع بابەکری، دوو برا و ئەندامی خانەوادەیەکی دادخواز، هەرکامەیان سزای ٦ مانگ بەندکران و هەروەها ساڵح سەخاوەت و شاهین ئیبراهیمی هەرکامەیان سزای ٣ مانگ سزای بەندکردنیان بەسەردا سەپاوە.
