سازمانی خه‌باتی کوردستانی ئێران
لە ٣٠ مانگی پوشپەڕی ١٣٨٩ی کۆچی خۆری، مامۆستا شێخ جەلال حسینی لە نەخۆشخانەی ڕزگاری لە شاری هەولێر کۆچی دوایی کرد.
لە ٣٠ مانگی پوشپەڕی ١٣٨٩ی کۆچی خۆری، مامۆستا شێخ جەلال حسینی لە نەخۆشخانەی ڕزگاری لە شاری هەولێر کۆچی دوایی کرد. کۆچی دوایی جەنابیان خەسارەتێکی گەورە بوو بۆ جوڵانەوەی مافخوزانەی خەڵکی کوردستان و جوڵانەوەو خەباتی خەڵکی کوردستان لە بەرانبەر ڕژیمی حەق نەبیست و دیکتاتۆری ئاخوندەکان لە ئێرانداو هەروەها خەسارەتێکی گەورە بوو بۆ سازمانی خەبات ی کوردستانی ئێران.
لە مێژووی خەباتی رزگاریخوازی گەلی کورددا، ڕێبەرو تێکۆشەری وەک مامۆستا سەید جەلال حوسەینی دەگمەن و کەم وینەیە. هۆی زۆر هەن کە بیسەلمێنێ مامۆستا سەید جەلال حوسەینی خەباتکارو تێکۆشەرو ڕێبەرێکی کەم وینە بووە. هەر لە سەرەتای تەمەنی لاویەتیەوە لە پێناو خەڵکی کوردو و ڕزگاری کوردستان تێکۆشاوە.
مامۆستا شێخ جهلال وه‌‌‌ک رێبه‌‌‌رێکی به‌‌‌رچاوی گه‌‌‌له‌‌‌که‌‌‌مان دژی ڕژیمی پاشایه‌‌‌تی و ده‌‌‌سه‌‌‌ڵاتی نه‌‌‌گریسی ئاخوندی ڕاوه‌‌‌ستاو هیچ کات سەری بەرزی بۆ دیکتاتۆران و ستەمگەران، لە هەر پێگەو لە هەر لیباسێکدان بووبن دانەنەواندوەو هەمیشە لە بەرانبەر ستەمکاران و چەوسێنەراندا خەباتی کردوە و دڵسۆزی هەموو ئازادیخوازێک بووە، تەنانەت ئەگەر ئەو ئازادیخوازە موخالفی بیروباوەڕەکەشی بووبێ. هیچ کات ئامانجە گشتیەکانی فیدای ئامانجە شەخسیەکانی نەکردوەو لە پێناو هاتنە دیی ڕزگاری و بەختیاری گەلی کورد لە هەموو خۆشیەکی ژیانی چاوپۆشی کردوە. لە هەر کۆڕو کۆبونەوەیەکدا کە ئەگەر باسی مامۆستا شێخ جەلال حوسەینی بکرێ لەسەر سەداقەت و سوور بوونی لە سەر پەیمان و بەڵێنی و سوور بوونی لە تێکۆشان لە پێناو ڕزگاری گەل و نیشتمان و دەستەبەرکردنی ئازادی بۆ گەل و نیشتمانە.
لە یازدەهەمین ساڵیادی ئەو ڕێبەرە خۆنەویست و گەل خۆشەویستە داوا لە هاوباڕەوڕانی ڕیزەکانی سازمانی خەبات ی کوردستانی ئێران دەکەین زیاتر لە ڕابردوو بۆ هینانە دیی ئامانجی شەهیدان و ئامانجی مامۆستا شیخ جەلال حوسەینی ڕێبەری زانا کە رزگاری و ئازادی گەلی کوردە تێبکۆشن.
سازمانی خەبات ی کوردستانی ئێران کومیتەی ناوەندی
٢٩ پوشپەڕی ١٤٠ ٠ کۆچی خۆری
