سازمانی خه‌باتی کوردستانی ئێران
خەباتمێدیا: ڕۆژی یەکشەممە ۲۰ی خەرمانان کۆڵبەرێکی کورد بە ناوی ڕزگار محەممەدزادە تەمەن ۴۰ ساڵ و خەڵکی شاری سەقز لە سنوری هەنگەژاڵ بە تەقەی هێزە تیرۆریستییەکانی ئاخوندی ئێران کوژرا.
بەپێ ڕاپۆرتەکان هێزە سەرکوتکەرەکانی رژیمی ئێران بەبێ دانی وریایی و لە شوێنێکی نزیکەو دەستڕێژیان لەم کۆڵبەرە کردووە. تەرمی ئەم کۆڵبەرە بۆ دەرمانخانەی سەلاحەدین ئەیووبی گوزراوەتەوەو هێشتا تەحویلی بنەماڵەکەی نەدراوەتەوە.
شایانی باسە ئاماری کوشتنی کۆڵبەران لە ناوچە سنوریەکان لە هەڵکشاندایەو بە پێی ڕاپۆرتی ماڵپەڕی کوردپا تەنیا لە ماوەی یازدە هەتا پازدەی خەرمانانی ۱۴۰۱, بە گشتی ۱۳ کۆڵبەر لە ناوچە سنووریەکانی نەوسوود, بانە, مەریوان و سەردەشت بریندار کراون.
