سازمانی خه‌باتی کوردستانی ئێران
هێزە جینایەتکارەکانی ڕژیم، لەدوای بەستنی چاو، دەست و پێی کۆڵبەرێکی خەڵکی سەقز، بەناسناوی بێهنام شەریفیان، بەشێوەیەکی زۆر دڕندانە لێیان داوە و بەوهۆیەوە چەند شوێنێکی جەستەی شکاوە.
ئەم هێزە ترۆریستانە تەقەیان لەناوبراو کردووە و لاقی بەسەختی بریندار کراوە.
بەپێی ڕاپۆرتەکان، ڕۆژی سێ شەممە 10ڕێبەندانی 1402ی هەتاوی، بێهنام شەریفیان، کۆڵبەری تەمەن 30ساڵ و خەڵکی شاری سەقز لە مەرزی هەنگەژاڵی بانە بە تەقەی ڕاستەوخۆی هێزەکانی ڕژیم لاقی بەسەختی بریندار کراوە.
بەوتەی سەرچاوەیەکی ئاگادار، بێهنام شەریفیان بۆ چارەسەری پزێشکی گوازراوەتەوە بۆ نەخۆشخانەی سەلاحەدینی ئەیوبی شاری بانە و لەئێستادا لەژێر چاودێری پزیشکیدایە و بەوتەی پزیشکەکان ئەم کۆڵبەرە پێویستە چەندین نەشتەرگەری بۆ بکرێت.
