سازمانی خه‌باتی کوردستانی ئێران
"قەدیر مەرجان"، ڕۆژنامەنووسی تورک لە ڕاپۆرتێکدا بۆ کەناڵی ئەی تی ڤی تورکی، ئاماژە بە خاڵی گرنگ دەكات کە دەتوانێت بەشێک لە نەهێنیەکانی مردنی گوماناوی ڕەئیسی و هاوڕێیەکانی ئاشکرا بکات.
ناوبراو دەڵێ پاشماوەی هیلی کۆپتەرەکە لە نێوان دوو شاخدا دۆزراوەتەوە. كاتێك لەوێ سەردەكەوتین هەوا تەم و باران دەباری. بینینمان کەم بوو و گەڕان قورستر بوو.
دەشڵێت ئەو ناوچەیە ئەمن و پارێزراو بوو، لەبەرئەوەی ئێمە هاووڵاتیی تورکیە بووین و فڕۆکەی بێفڕۆکەوانی ئێکینجی خەریکی گەڕان بوو، ڕێگەمان پێدرا لەوێ بین و لە یەکەم کەسەکان بووین گەیشتینە شوێنی ڕووداوەکە.
دەڵێ ڕەنگە شتێک لە ئاسماندا بەر كۆپتەرەكە کەوتبێ و کەوتبێتە خوارەوە.
پێشکەشکارەکە لێی دەپرسێت بۆ وا بیر دەکەیتەوە؟ چۆن هیلی کۆپتەرەکە تێکچووە؟ ئایا سەرنجی هیچ شتێکت داوە؟
قەدیر دەڵێ، بەشەکانی کۆپتەرەکە زۆر لەیەکەوە نزیک بوون و تەواوی تیژڕەوی شوێنی ڕووداوەکە نزیکەی ١٠ مەتر بووە، بەو جۆرەی كە كۆپتەرەكە سووتاوە، پێموایە لەئاسماندا تێكچووە و کەوتووەتە خوارەوە.
