سازمانی خه‌باتی کوردستانی ئێران
ئۆكران ڕایگەیاند فڕۆكەیەكی جەنگی سو-35ـی ڕوسیمان خستەخوارەوە
سپای ئۆکران، ئەمڕۆ شەممە لە ڕاگەیەندراوێكدا لەسەر پلاتفۆڕمی تێلیگرام بڵاویكردەوە، "بەرەبەیانی ئەمڕۆ 7ی6ـی 2025، لە ئەنجامی ئۆپەراسیۆنێکی سەرکەوتوی هێزی ئاسمانی بە ئاراستەی کورسک، فڕۆکەیەکی جەنگی سو-35ـی ڕوسی خراوەتەخوارەوە" .
سپای ئۆکران وردەکاری زیاتری نەخستەڕو و تا ئێستاش هێزەکانی ڕوسیە هیچ لێدوانێکیان لەسەر ئەو بابەتە نەداوە. دەزگای ئاسایشی ئۆکران، هەفتەی ڕابردو هێرشێکی بەرفراوانی بە فڕۆکەی بێفڕۆکەوان بۆ سەر زیاتر لە 40 فڕۆکەی سەربازی ڕوسیە ئەنجامدا و زیانی بە دەیان فڕۆکەی بۆمب هاوێژی ستراتیژی تو 95 و تو-22ی ڕوسی پێگەیاند یان لەناوی برد ، کە ڕوسیە بۆ هەڵدانی موشەکی دور مەودا بەکاریدەهێنێت.
