سازمانی خه‌باتی کوردستانی ئێران
وەزیری بەرگریی ئیسرائیل دەڵێت: ڕێبەری ڕژیمی ئێران خەریکە تاران دەکاتە بەیروت.
ڕۆژی یەکشەممە، بنیامین ناتانیاهۆ، سەرۆک وەزیرانی ئیسرائیل و ژمارەیەک لە وەزیرانی کابینەکەی، ناوچە زیانلێکەوتووەکانی هێرشە ئاسمانییەکانی شەوی ڕابردووی ڕژیمی ئێرانیان بۆ سەر تەلئەڤیبی پایتەخت و چەند شوێنێکی دیکە، بەسەر کردەوە.
یسرائیل کاتز، وەزیری بەرگریی ئیسرائیل لە یەکێک لە شوێنە زیانلێکەوتووەکان، لە لێدوانێکی ڕۆژنامەوانیدا ڕایگەیاند، ئۆپەراسیۆنی سەربازییان لە دژی ئێران باشتر لەوەی پلانی بۆ دانرابوو، بەڕێوە دەچێت و بەردەوامیش دەبێت.
وەزیری بەرگریی ئیسرائیل وتیشی: هێرشەکانمان بۆ سەر بنکە ئەتۆمییەکانی ڕژیمی ئێران، کارگەکانی بەرهەمهێنانی چەک و سیستەمی بەرگریی ئاسمانی، زۆر بەهێز و سەرکەوتوو بوون. ئاماژەی بەوەش دا خامنەیی خەریکە تاران دەکاتە بەیروت و خەڵکەکەی دەکاتە بارمتە.
