سازمانی خه‌باتی کوردستانی ئێران
نیکۆس کریستۆدۆلیدس، سەرۆکی قێبریس لە بەیاننامەیەکدا ڕایگەیاند، ڕژیمی ئێران داوای لە وڵاتەکەی کردووە پەیامێک بە ئیسرائیل بگەیەنێت بۆ کۆتاییهێنان بە شەڕەکە.
کریستۆدۆلیدس بە ڕۆژنامەنووسانی ڕاگەیاند کە وڵاتەکەی ئەو کارە دەکات. ئاماژەی بەوەشکرد، بڕیاربوو ئەمڕۆ پەیوەندییەکی تەلەفۆنی لەگەڵ بنیامین ناتانیاهۆ، سەرۆکوەزیرانی ئیسرائیل ئەنجامبدات.
کریستۆدۆلیدس وتیشی: دەمەوێت دووپاتی بکەمەوە کە ڕۆڵی قوبرس لە ناوچەکە و تایبەتمەندی ئێمە ئەوەیە کە لەگەڵ هەمووان قسە دەکەین و هەوڵ دەدەین تا دەتوانین پەیامەکان بگەیەنین و هەلومەرجێک بۆ کۆتاییهێنان بەم دۆخە سەختە دروست بکەین.
میدیاکانی ئیسرائیل چەند سەعاتێک لەمەوبەر ڕایانگەیاند کە سەرۆکی قێبریس ڕایگەیاند کە بەنیازە لە پەیوەندییەکی تەلەفۆنیدا پەیامی مەسعوود پزشکیان سەبارەت بە “کۆتایی شەڕ” بگەیەنێتە نەتانیاهۆ.
