سازمانی خه‌باتی کوردستانی ئێران
دوابەدوای هۆشدارییە بەپەلەکانی سپای ئیسرائیل بۆ چۆڵکردنی ناوچە جۆربەجۆرەکانی تاران لەوان ناوچەی ۳، بەهۆی ئەگەری هێرشی بەربڵاو بۆ سەر ژێرخانی سەربازی و حکومی، دوکانداران لە تاران بە تایبەت لە بازاڕی تاران و ناوچە قەرەباڵغەکانی وەک تاران پارس، بەپەلە کەلوپەلەکانیان کۆ دەکەنەوە و شوێنەکانیان چۆڵ دەکەن.
ڕاپۆرتە گشتییەکان ئاماژە بەوە دەکەن کە ترس و دڵەڕاوکێ لەنێو بازرگانان و هاووڵاتییاندا توندتر بووە، دوای هێرشەکانی ئەم دواییەی ئیسرائیل بۆ سەر ناوچەکانی وەک چیتگەر، باقری، ئێران ماڵ و تارانپارس کە تەقینەوەیەکی بەرفراوانی لەگەڵدا بووە.
