سازمانی خه‌باتی کوردستانی ئێران
کەناڵی فرانس 24 بڵاویکردەوە، هەرچەندە حکومتی ئێران گیرانی سەدان هەولاتی بەتۆمەتی لکێندراوی هاوکاریکردن لەگەڵ موسادی ئیسرائیل لە ئێران و دۆزینەوە و دەستبەسەرداگرتنی چەکەکانیان ڕاگەیاندووە، بەڵام بە پشکنینی ڕوونی ئەو چەکانە کە لە بەڵگەنامەکانی حکومەتدا بڵاوکراونەتەوە، ئەوەمان بۆ دەردەخات کە هیچ کامیان لە ئیسرائیل دروست نەکراون. ڕۆژنامەکە نووسیویەتی حکومتی ئێڕان هەوڵ دەدات گیرانی کەسانێک بەناو جاسوسی مۆساد و دۆزینەوەی چەکی پەیوەندیدار بەوانەوە سەرکەوتوو دەربخات. بەڵام پێدەچێت بانگەشەی “دۆزینەوەی چەک” و “گیرانی کەسانی سەر بە مۆساد” درۆ بێت، چونکە هیچ بەڵگەنامەیەکی باوەڕپێکراو و سەربەخۆ بۆ ڕاگەیندنی ئەو تۆمەتانە پێشکەش نەکراوە. دوای هێرشەکەی ئیسرائیل، بەڵگەنامەکانی حکومەت وێنەی ئەو ئۆتۆمبێل و کەلوپەلانەی بڵاوکردەو کە بە وتەی خۆیان لە کاتی ئۆپەراسیۆنی ئیسرائیلدا بەکارهێنراون.بەڵام دەزگای ئاسایشی حکومتی ئێران هیچ بەڵگەیەکی باوەڕپێکراوی لەبارەی دەستبەسەرداگرتنی چەکەکانەوە پێش ئەوەی لەلایەن ئەو کەسانەی بە جاسوسی موساد ناویان دەبات، بەکاربهێنرێتی نەخستەڕوو.
