سازمانی خه‌باتی کوردستانی ئێران
لە دوای دەستپێکی شەڕی نێوان ڕژیمی ئێران و ئیسرائیل، شەپۆلێک لە سەرکوت و گیران لە ئێران دەستی پێ کردووە کە دەرەنجامەکانی بەتایبەت لە کوردستانی ئێران بەرچاو بووە؛ بەشێوەیەک کە شارەکانی کوردستان بەشێکی جێی سەرنجی لە گیران، لەسێدارەدرانی سیاسی، کوژرانی حکومەتی و میلیتاریزەکردنی شارەکانیان لەخۆ گرتووە. بەپێی ڕاپۆرتی مافی مرۆڤ، لە ماوەی ڕۆژانی ڕابردوودا زیاتر لە ۳۰۰ هاووڵاتیی کورد لە لایەن هێزە بەناو ئەمنییەکانی ڕژیمی دیکتاتوری ئێرانەوە گیراون کە یەک کەسیان لەژێر شکەنجەدا کوژراوە. هەروەها منداڵێک و لاوێک لە لایەن هێزەکانی ڕژیمی ئێران کوژراون و سێ بەندکراوی سیاسیی کوردیش لەسێدارە دراون.
