سازمانی خه‌باتی کوردستانی ئێران
ئاژانسی هەواڵی ڕۆیتەرز بە پشتبەستن بە دوو بەرپرسی ئەمەریکا بڵاوی کردەوە کە ڕژیمی ئێران لە ماوەی حەوتووی ڕابردوودا مینی دەریایی لە کەشتیەکانی کەنداوی فارس بارکردووە. ئەو هەنگاوەی ڕژیمی ئێران دوای هێرشی مووشەکی ئیسرائیل دێت و ئەگەری ئەوە زیاتر بوو کە ڕژیمی ئێران هەوڵی داخستنی گەرووی هورمز بدات. سەرچاوە هەواڵگرییەکانی ئەمریکا ئەو هەنگاوانەیان دەستنیشان کردووە، بەڵام لە کۆتاییدا مینەکان جێگیر نەکراون. ئاژانسی ڕۆیتەرز ڕایدەگەیەنێت، کاتی وردی ئۆپەراسیۆنەکە ڕوون نییە. ئەم هەنگاوانە وەک ئامادەکاری ڕژیمی ئێران بۆ پەرەپێدانی قەیرانەکان سەیر دەکرێت.
