سازمانی خهباتی کوردستانی ئێران
عەباس عبادی، جێگری بەرپرسی پەرستاری لە وەزارەتی تەندروستی حکومتی ئێران ڕایگەیاند، لە ساڵی ١٤٠٤دا ٥٧٠ پەرستار لە ئێرانەوە کۆچیان کردووە و ئەمەش زیانێکی بەرچاوی ئابووری و کۆمەڵایەتیی لێکەوتووەتەوە. ناوبراو بە ئاماژە بە کەمیی پەرستار لە سیستەمی تەندروستی ئێراندا وتی کە لە ئێستادا پێویستمان بە ١٠٠ هەزار پەرستار هەیە. ڕۆژی هەینی، ٧ی خەرمانانی ١٤٠٤، ڕەزا سەید کەرەمی، سەرۆکی زانکۆی زانستە پزیشکییەکانی تاران، ئاماژەی بە قەیرانی پەرستاری لە تاران کرد و ڕایگەیاند کە بەهۆی گرانیی تێچووی ژیان لە تاران، پەرستاران ئامادە نین لە نەخۆشخانە حکومییەکان دابمەزرێن و پێیان باشترە بچنە شارەکانی دیکە یان کاری ناپەیوەندیدار هەڵبژێرن.
