سازمانی خهباتی کوردستانی ئێران
فەرشی دەستبافی ئێرانی، کە بۆ ماوەی چەندین سەدە وەکوو یەکێک لە گرنگترین هێما کلتووری و هونەرییەکانی وڵات ناسرابوو و پێگەیەکی نایابی لە بازاڕەکانی جیهاندا ھەبوو، ئەم ڕۆژانە ڕووبەڕووی قەیرانێکی بێوێنە بووەتەوە. ھەناردەکردنێک کە لە دەیەی ١٩٩٠دا زیاتر لە دوو ملیار دۆلاری بۆ ئێران پەیدا کرد، ئێستا بۆ نزیکەی ٤٠ ملیۆن دۆلار دابەزیوە؛ ژمارەیەک کە بەپێی ئاژانسی ھەواڵی فەرەنسا نیشانەی کەوتنێکی زیاتر لە ٩٥%یە. زۆرێک لە پسپۆڕان ئەو دۆخە نەک تەنیا بە ئەنجامێکی ڕاستەوخۆی گەمارۆ نێودەوڵەتییەکان، بەڵکوو بە کۆمەڵێک کێشەی ئابووری و بەڕێوەبردن لەناو ئێراندا دەزانن.
