سازمانی خهباتی کوردستانی ئێران
ترامپ ڕایگەیاند: دەبوو پێش سەردەمی من هێرش بۆ سەر دامەزراوە ئەتۆمییەکانی ڕژیمی ئێران بکرایە
دۆناڵد ترامپ، سەرۆکی ویلایەتە یەکگرتووەکانی ئەمریکا، لە وتارێکیدا بەبۆنەی ٢٥٠ەمین ساڵوەگەری دامەزراندنی ھێزی دەریایی ئەمریکا لە بنکەی ھێزی دەریایی نۆرفۆلک لە ڤێرجینیا، ڕایگەیاند کە ھێرشکردنە سەر دامەزراوە ئەتۆمییەکانی ڕژیمی ئاخوندی دەبوو پێش سەرۆکایەتیی ئەوەوە ئەنجام بدرایە. ترامپ لە وتارەکەیدا ئاماژەی بە بەکارھێنانی ژێردەریایی جۆری ئۆھایۆ و مووشەکی تۆماھاوک لە ئۆپەراسیۆنی "چەکوشی نیوەشەو" کرد و ڕایگەیاند: "ئەو ھێرشانە دەبوو زۆر پێش ھاتنی من ئەنجام بدرانایە."بە وتەی ترامپ، "حکومتی ئێران بڕیار بوو لە ماوەی مانگێکدا دەستیان بە چەکی ئەتۆمی بگات و ئێستا دەتوانن دووبارە دەست بە چالاکییەکانیان بکەنەوە، بەڵام ھیوادارم وای نەکەن."سەرۆکی ویلایەتە یەکگرتووەکانی ئەمریکا زیادیشی کرد کە دوای وێرانکردنی دامەزراوە ئەتۆمییەکان، ئەگەر حکومەتی ئێران بەردەوام بێت لە بەرنانە ئەتۆمییەکەی، "ئێمە مامەڵەی لەگەڵدا دەکەین."
