سازمانی خهباتی کوردستانی ئێران
ناتانیاهۆ: میحوەری ڕژیمی ئێرانمان تێکشکاندو ڕووی ڕۆژهەڵاتی ناوەڕاستمان گۆڕی
بنیامین ناتانیاهۆ، سەرۆکوەزیرانی ئیسرائیل ڕایگەیاند "گورزی تووند دەوەشێنن لە هەر کەسێک کە هەڕەشە لە وڵاتەکەی بکات. ناوبراو وێڕای ڕاگەیاندنی تێکشکاندنی میحوەری ڕژیمی ئاخوندی و گۆڕینی ڕووخساری ڕۆژهەڵاتی ناوەڕاست، پیداگرییی لەسەر گەڕانەوەی بارمتەکان و نەهێشتنی حەماس کردەوە.ناتانیاهۆ لە بەیاننامەیەکدا بە بۆنەی دووەمین ساڵیادی هێرشەکەی ٧ی ئۆکتوبری ٢٠٢٣، وتی، هەرکەسێک دەست لە ئێمە بەرز بکاتەوە، گورزی تووندی بێ وێنەی لێدەدرێت، ئێمە بە ڕۆژانی چارەنووسسازدا تێدەپەڕین، بەردەوامیش دەبین لە کارکردن بۆ گەیشتن بە هەموو ئامانجەکانی شەڕەکە.ئاماژەی بەوەشکرد، بەردەوام دەبین لە کارکردن بۆ گەڕاندنەوەی سەرجەم بارمتەکان و نەهێشتنی حەماس و دڵنیابوون لەوەی کە غەززە جارێکی تر هەڕەشە لە ئیسرائیل نەکاتەوە.
