سازمانی خهباتی کوردستانی ئێران
نیگەرانی لە سەراوان لە دروستکردنی دیواری سنووری
بەپێی ڕاپۆرتێ سەرچاوەکان ، هاوکات لەگەڵ بەردەوامبوونی دروستکردنی دیواری سنووری لە ناوچە سنوورییەکانی سەراوان، ژمارەیەک هاووڵاتی بەلۆچ نیگەرانییان دەربڕیوە لە جێگیربوونی زەوییە کشتوکاڵییەکان و ئاوەدانییەکانیان لە پشت ئەو دیوارە و لە سنووری خاکی پاکستان.دانیشتوانی ناوچەکانی کوه سیاه خان، کوهک و کلگان سەراوان دەڵێن سەربازانی حکومەت خەریکی دروستکردنی دیوارێکن بە دووری نزیکەی ٧ بۆ ٨ کیلۆمەتر لەناو خاکی ئێراندا، کە لە ئەنجامدا، زەوییە کشتوکاڵییەکان، باخەکانی خورما و کانییە ئاوییەکانی باپیر و باپیرانیان لە دەستڕاگەیشتن دەرچووە.بە وتەی ئەو هاووڵاتییانە، سەرەڕای ناڕەزایەتییەکان، ڕێگەیان پێنادرێت بچنە ناو زەوییەکانیان و زۆرێک لە کێڵگە و باخەکانی خورما بەهۆی نەبوونی ئاویارییەوە خەریکە وشک دەبن. ئەوان دەڵێن ڕووبارەکان، کانییەکان و کارێزەکان کە ژیانی چەندین ئاوەدانییان پێوە بەستراوەتەوە، ئێستا لە دیوی دیکەی دیوارەکەدا ماونەتەوە.دانیشتوانی ناوچەکە هەروەها دەڵێن دەیان ئاوەدانی بە درێژایی ٨٠ کیلۆمەتر لە سنووری سەراوان، لە ئەگەری بەردەوامبوونی پرۆسەکەدا، لە سنووری ئێران دەچنە دەرەوە.
