سازمانی خهباتی کوردستانی ئێران
لە کاتێکدا مانگرتنی بەکۆمەڵی زیندانیانی تاوانە گشتییەکان لە زیندانی قزڵحەساری کەرەج چووەتە نێو چوارەمین ڕۆژی خۆیەوە، گرتە ڤیدیۆیی نوێ لە ناو زیندانەوە بڵاوکراونەتەوە کە وێنەیەکی سامناک لە قەیرانە مرۆییە باڵادەستەکەی ئەم زیندانە بەدناوه نیشان دەدات.ئەو مانگرتنە لە نیوەڕۆی دووشەممە ۲۱ی ڕەزبەری ۱۴۰۴ وەک ناڕەزایەتییەک دژی گواستنەوەی ۱٦ زیندانی بۆ ژوورە تاکەکەسییەکان بۆ جێبەجێکردنی ئەگەری سزای لەسێدارەدان دەستیپێکرد و بە خێرایی بوو بە یەکێک لە گەورەترین ناڕەزایەتییەکانی زیندانەکانی ڕژیمی ئێران.سەرچاوەکان لەناو زیندانەوە ڕایاگەند کە نزیکەی ۱٥۰۰ زیندانی – بە پلەی یەکەم سزادراوانی تاوانە گشتییەکان – بەشدارن لەو مانگرتنە. باری جەستەیی زۆربەیان ناجێگیرە؛ لەهۆشچوون بەهۆی لاوازی خۆراکی، گێژبوون و دابەزینی پەستانی خوێن ڕاپۆرت کراوە، و بەرپرسانی زیندان بە هەڕەشەی بڕینی ئاو و داخستنی دەرگاکانی بەندینخانە، هەوڵیان داوە ناڕەزایەتییەکە سەرکوت بکەن.
