سازمانی خهباتی کوردستانی ئێران
بەندکراوێکی کورد لە بەندیخانەی قزڵحەسار بەهۆی كەمتەرخەمیی پزیشکی بوو بە قوربانی
ڕۆژی چوارشەممە ۳۰ی ڕەزبەری ۱٤۰٤، "سەعید کەریمی" خەڵکی هەرسین سەر بە پارێزگای کرماشان، لە بەندیخانەی قزڵحەساری کەرەج، بەهۆی كەمتەرخەمیی پزیشكی و چارەسەرنەكردن و نەناردنی بۆ ناوەندە دەرمانییەكانی دەرەوەی بەندیخانە لە كاتی خۆیدا، گیانی دا. بەپێی زانیارییەكان، ئەو بەندکراوە تووشی "سەکتەی دڵ" ببوو و بەڵام كەمتەرخەمیی بەرپرسانی زیندان و نەناردنی بۆ وەرگرتنی چارەسەر بوو بە قوربانی. ناوبراو، بە تۆمەتی "کوشتنی بە ئەنقەست"، لەلایەن دەزگای قەزایی ڕژیمی ئاخوندی، حوکمی بەندکرانی بە سەردا سەپێندرابوو.
