سازمانی خهباتی کوردستانی ئێران
پەکەکە: هەموو هێزەکانمان لە تورکیە دەکشێنینەوە
لە کۆنفرانسێکی رۆژنامەڤانیدا پەکەکە رایگەیاند، هەموو هێزەکانی گەریلا لە تورکیەوە دەکشێننەوە و بەشێکیان بە تەواوی کشاونەتەوە بۆ "هەرێمەکانی پاراستنی میدیا."بەگوێرەی میدیای پەکەکە، کە ئەمڕۆ یەکشەممە بەناوی "بەڕێوەبەری تەڤگەریی ئازادیی [پەکەکە]ـەوە بڵاویان کردووەتەوە: "بەڕێوەبەرایەتی تەڤگەر [پەکەکە] بۆ پرۆسەی ئاشتی و کۆمەڵگەی دیموکراتی، لە قۆناخی دووەمدا هەموو هێزەکانی گەریلای لە تورکیەوە کشاندەوە بۆ هەرێمەکانی پاراستنی میدیا".دوێنێ پەکەکە رایگەیاند، سبەی "هەنگاوێکی مێژوویی" دەنێن، دواتر سەرچاوەیەکی ئاگادار بڵاویکردەوە، "هەنگاوەکە گواستنەوەی گەریلایە لە ناوچەیەکەوە بۆ ناوچەیەکی دیکە".
