سازمانی خهباتی کوردستانی ئێران
لوبنان لە بەرانبەر هەر هێرشێکی ئیسرائیل وەڵامی دەبێ
جۆزێف عون، سەرۆکی لوبنان لە ڕاگەیەنراوێکدا ڕایگەیاند، بە گوێرەی ڕاپۆرتی فەرماندەی گشتیی سپا، ئیسرائیل چەندین پێشێلکاری و هێرشی بۆ سەر خاکی لوبنان ئەنجام داوە، بە تایبەت دوایین هێرش کە بەرەبەیانی ئەمڕۆ کرایە سەر شارۆچکەی بلەیدە و بەهۆیەوە کارمەندێکی شارەوانی کوژرا. سەرۆکی لوبنان ئاماژەی بەوەش داوە، ئەو کردەوەی ئیسرائیل لەو زنجیرە پێشێلکاری و هێرشانەوە سەرچاوە دەگرێت، کە لە ماوەی ساڵێکی ڕێککەوتنی نێوانیاندا ئەنجامی داوە، و ئەمەش تەنیا شەڕانگێزی ئیسرائیل بەرانبەر بە لوبنان نیشان دەدات. لە بەرانبەردا، سپای ئیسرائیل ڕایگەیاند، سەربازەکانیان هێرشیان کردووەتە سەر باڵەخانەیەک کە لە لایەن چەکدارانی ترۆریستی حزبوڵڵاوە بەکارهێنراوە.
