سازمانی خهباتی کوردستانی ئێران
حکومتی ئێران هاتنەژوورەوەی بێ ڤیزای بۆ هاووڵاتیانی هیندستان هەڵوەشاندەوە
گۆڤاری ئیندین ئێکسپرێس بڵاوی کردەوە، دوای چەندین حاڵەت کە تێیدا هاووڵاتیانی هیندستان بە بیانووی کاری ساختە هەڵخەڵەتێنراون، گواستراونەتەوە بۆ ئێران و دواتر بۆ وەرگرتنی باج ڕفێنراون، حکومەتی ئێران لە ٢٢ی نۆڤەمبەرەوە هاتنەژوورەوەی بێ ڤیزای بۆ هاووڵڵاتیانی هیندستان ڕاگرتووە.لە ڕاپۆرتەکەدا هاتووە، ئەم ڕاگرتنە بۆ سەرجەم هاووڵاتیانی هیندستان کە پاسپۆرتی ئاساییان هەیە جێبەجێ دەبێت. گەشتیارانی هیندستان دەبێت ئیستا بۆ هاتنەژوورەوە و هەروەها تێپەڕین بە ئێراندا ڤیزا وەربگرن. وەزارەتی دەرەوەی هیندستان لە ڕاسپاردەیەکدا کە ئێوارەی دووشەممە بڵاوی کردەوە، ڕایگەیاند ئەم بڕیارە بە ئامانجی ڕێگریکردنە لە خراپ بەکارهێنانی لێخۆشبوونی ڤیزا لەلایەن تۆڕە تاوانبارییە ڕێکخراوەکانەوە و هەڵخەڵەتاندنی کەسانی بەدوای کاردا دەگەڕێن.وەزارەتی دەرەوەی هیندستان ڕایگەیاند کە چەندین ڕاپۆرتی پێگەیشتووە کە نیشان دەدەن هاووڵاتیانی هیندستان بە بیانووی کاری قازانج بەخش، ڕێگای ئاسان بۆ وڵاتانی کەنداو یان ئەوروپا و دەرفەتی کارکردن بێ ڤیزا، هاندراون بۆ گەشتکردن بۆ ئێران. بە وتەی ئەم وەزارەتە، زۆربەی ئەم کەسانە دوای گەیشتنیان ڕفێنراون و گروپە تاوانبارەکان بۆ ئازادکردنیان داوای پارە لە خێزانەکانیان کردووە.
