سازمانی خهباتی کوردستانی ئێران
ماڵپەڕی "حالوش" هەواڵی کوژرانی دوو ژنی گەنجی لە چەند ڕۆژی ڕابردوودا لە سیستان و بەلووچستان و بە دەستی پیاوانی نزیکی خانەوادەکەی بڵاوکردەوە. بەپێی ڕاپۆرتی ئەم ماڵپەڕە، "سومیە بەراهویی"، ژنێکی ٣٢ ساڵان بە دەستی هاوسەرەکەی و "مەهسا زاهیدی"، ژنێکی ١٩ ساڵان بە دەستی مێردی خوشکەکەی (زاواکەیان) کوژراون."حالوش" ڕایگەیاندووە کە ٢٠ی خەزەڵوەر (ئابان)، سومیە بەراهویی، خەڵکی زاهیدان، لەلایەن هاوسەرەکەیەوە کەوتووەتە بەر لێدان و بەهۆی ئەو گورزانەی بەر سەری کەوتووە و تووشبوونی بە تەشەنوج بەهۆی لێدانەکەوە، کوژرا.ماڵپەڕی "حالوش" لە ڕاپۆرتێکی دیکەدا ڕایگەیاند کچێکی ١٩ ساڵان بە ناوی مەهسا زاهیدی، خەڵکی گوندی "دزک"ی سەر بە شاری سەراوان، بە دەستی مێردی خوشکەکەی کوژراوە.
