سازمانی خهباتی کوردستانی ئێران
ئەمەریکا بۆ زێلێنسکی: دەست لە بەشێکی وڵاتەکەت هەڵبگرە
ئاژانسی هەواڵی ڕۆیتەرز، بڵاوی کردەوە "دوێنێ چوارشەممە، ئیدارەی دۆناڵد ترەمپ، سەرۆکی ئەمەریکا، بۆ کۆتاییهێنانی جەنگی ڕووسیا و ئۆکراین، پرۆژەی پلانێکی بە کیێڤ پێشنیار کردووە بەوەی دەستبەرداری بەشێک لە خاکی وڵاتەکەی ببێت و قەبارەی هێزە چەکدارەکانی کەم بکاتەوە."ئەم زانیارییە لەلایەن دوو سەرچاوەی ئاگادارەوە کە نەیانویست ناویان ئاشکرا بکرێت، ڕاگەیندراوە.ئەم پلانەی ئەمەریکا، بە شکستی گەورە بۆ کیێڤ لە قەڵەم دەدرێت، لە کاتێکدا لە ڕۆژهەڵاتی وڵاتەکەیدا ڕووبەڕووی پێشڕەوی زیاتری ڕووسیا دەبێتەوە. لە هەمان کاتدا، ڤۆلۆدیمیر زێلینسکی، سەرۆکی ئۆکراین، سەرقاڵی چارەکردنی گەندەڵییەکی کارگێڕییە و پەرلەمانی ئۆکراین، وەزیرانی وزە و دادپەروەریی لە پۆستەکانیان دوورخستەوە.
