سازمانی خهباتی کوردستانی ئێران
کۆمپانیای مێتا هەژماری بەکارهێنەرانی خوار تەمەن 16 ساڵان دەسڕێتەوە
ئەمڕۆ پێنجشەممە 4ـی دسمبری 2025، کۆمپانیای تەکنەلۆژیی "مێتا"ـی ئەمەریکی لە ڕاگەیەندراوێکدا ئاشکرای کرد، دەست دەکات بە سڕینەوەی هەژماری بەکارهێنەرە ئوسترالییەکانی خوار تەمەن 16 ساڵ لە پلاتفۆرمەکانی "ئینستاگرام"، "سرێدز" و "فەیسبووک".وتەبێژێکی کۆمپانیاکە ڕایگەیاند، کار لەسەر سڕینەوەی هەژماری سەرجەم ئەو بەکارهێنەرانە دەکەین کە پێمان وایە تەمەنیان لە خوار 16 ساڵەوەیە، بڕیارەکەش تا 10ـی دسمبر دەچێتە بواری جێبەجێکردنەوە، بەڵام پابەندبوون بە یاساکەوە پڕۆسەیەکی بەردەوام و قۆناغ بە قۆناغ دەبێت.ئاماژەی بەوەش کرد، ئەوانەی هەژمارەکانیان دەسڕێتەوە، دەتوانن لە کاتی گەیشتن بە تەمەنی 16 ساڵی هەژمارەکانیان وەک خۆی و بە هەمان ئەو ناو و ناوەڕۆکەی پێش سڕینەوەی تێیدا بووە، بگێڕنەوە و بەکاری بهێننەوە.
