سازمانی خهباتی کوردستانی ئێران
چالاکوانێکی فەلەستینی: حەماس چەندین تۆن شیری وشکی شاردووەتەوە تا گێڕانەوەی «قاتوقڕیی بەرفراوان» بەهێز بکات.
چالاکوانێکی فەلەستینی ڕایگەیاند حەماس چەندین تۆن شیر و تەواوکەری خۆراکیی تایبەت بە منداڵانی لە کۆگایەکدا شاردووەتەوە بۆ ئەوەی خەڵکی غەززە لە برسێتیدا بمێننەوە و گێڕانەوەی (بانگەشەی) ئەو گرووپە سەبارەت بە «قەیرانی برسێتیی بەرفراوان» بۆ لاوازکردنی ئیسرائیل بەهێزتر بێت.بەپێی ڕاپۆرتی نیویۆرک پۆست، فوئاد خەتیب، چالاکوانی دژەحەماس و دانیشتووی ئەمریکا، ئەم گرووپەی تۆمەتبار کرد بەوەی کە ماددە خۆراکییە تایبەتەکانی کۆرپە و منداڵانی قۆرخ کردووە تا بە ئەنقەست برسێتی لە غەززە زیاد بکات و تێڕوانینی گشتی بەرامبەر ئیسرائیل بشێوێنێت.ئەو ڤیدیۆیەی کە خەتیب لە تۆڕە کۆمەڵایەتییەکان بڵاوی کردووەتەوە، کۆگایەک نیشان دەدات کە سەدان پاکەت شیر و تەواوکەری خۆراکیی منداڵانی تێدا دەبینرێت.خەتیب لە ئێکس نووسیویەتی: «لە خراپترین ڕۆژەکانی قەیرانی برسێتی لە غەززە لە شەش مانگی ڕابردوودا، حەماس بە ئەنقەست چەندین تۆن شیری کۆرپە و تەواوکەری خۆراکیی منداڵانی لە ڕێگەی هەڵگرتنیان لە کۆگا نهێنییەکانی سەر بە وەزارەتی تەندروستیی غەززە، شاردووەتەوە.»
