سازمانی خهباتی کوردستانی ئێران
دوێنێ، چوارشەممە 10ـی دسمبری 2025، جولیۆس ڤان دەر واڵت، سەرۆکی بەرنامەی هەڵگرتنەوەی مینی سەر بە نەتەوە یەکگرتووەکان لە فەڵەستین، ڕایگەیاند "منداڵان لاوازترین گرووپن لە بەرانبەر مەترسییەکانی پاشماوەکانی شەڕ و تەقەمەنییە نەتەقیوەکان؛ ئەو بابەتە ڕێگریی لە ئاسایی بوونەوەی دۆخی ژیانی غەززە دەکات."ئەو بەرپرسەی نەتەوە یەکگرتووەکان، لە کۆنفرانسێکی ڕۆژنامەوانیدا، پیداگریی کردەوە لەوەی "تەقەمەنییە نەتەقیوەکان لە غەززە، پاش ڕاگەیاندنی ئاگربەست و گەڕانەوەی هەزاران ئاوارە، بوونەتە مەترسییەکی گەورە بۆ سەر ژیانی هاووڵاتییانی مەدەنی؛ جگە لەوەش ئەو ژمارە زۆرەی بۆمبی نەتەقیو و مین، کاریگەریی نەرێیی زۆریان کردووەتە سەر ڕەوشی گەیاندنی هاوکارییە مرۆییەکان و پرۆسەی ئاوەدانکردنەوەی کەرتەکە."
