سازمانی خهباتی کوردستانی ئێران
20 ویلایەت دژی ترەمپ دەوەستنەوە
کالیفۆرنیا و 19 ویلایەتی دیکەی ئەمریکا سکاڵایان لەسەر دۆناڵد ترەمپ تۆمارکرد و هەوڵی راگرتنی ئەو بڕیارە دەدەن کە تێچووی وەرگرتنی ڤیزەی ئێچ وەن بی (H-1B) بۆ کرێکاری شارەزای بیانی بۆ 100 هەزار دۆلار بەرزدەکاتەوە.سکاڵاکە لە دادگەی فیدراڵیی بۆستن لە ویلایەتی ماساچوستس تۆمارکرا و هەنگاوێکی دیکەیە دژی ئەو بڕیارەی سەرۆکی ئەمریکا لە مانگی ئەیلوول رایگەیاند. بەپێی سیستمی ئێستا، خاوەنکاران تەنیا 2,000 بۆ 5,000 دۆلار وەک تێچوو دەدەن، بەڵام بڕیارە نوێیەکە ئەم بڕە بۆ 100,000 دۆلار بەرزدەکاتەوە.نووسینگەی رۆب بۆنتا، داواکاری گشتیی کالیفۆرنیا رایگەیاند، ترەمپ دەسەڵاتی سەپاندنی ئەو بڕە پارەیەی نییە و بڕیارەکە یاسای فیدراڵی پێشێل دەکات
