سازمانی خهباتی کوردستانی ئێران
ڕژێم دەرمان دەکاتە کاڵایەکی لوکس
شەپۆلی نەخۆشیی ئەنفلوەنزا پارێزگا پەراوێزخراوەکانی گرتووەتەوە و حکومەتی ئێران نرخی ڤاکسینی گەیاندووەتە ئاستێک کە کڕینی بۆ خێزانێکی ئاسایی مەحاڵە."
"لە درێژەی سیاسەتە چەوسێنەرەکانی ڕژیمی ئیران دژ بە گەلانی ئێران، وەزارەتی تەندروستی ڕژێم ڕایگەیاند کە دۆخی تەندروستی لە پارێزگاکانی وەک کرماشان، هەمەدان، خوزستان و بەلووچستان لە دۆخی سوور تێپەڕیوە. بەرپرسانی حکومەت دانیان بەوەدا ناوە کە شەپۆلەکە زۆر بەهێزترە لە ساڵانی ڕابردوو و تا ئێستا ١١٠ کەس بوونەتە قوربانی ئەو کەمتەرخەمییە. بەڵام لەبری دابینکردنی چارەسەری بێ بەرامبەر بۆ خەڵکە لێقەوماوەکە، حکومەت نرخی ڤاکسینی ئەنفلوەنزای بۆ ٩٢٠ هەزار تمەن بەرزکردووەتەوە. چاودێران دەڵێن، حکومەتێک کە بانگەشەی دادپەروەری دەکات، ڤاکسینێکی سەرەتایی کە پارێزەری گیانی منداڵانە، کردووە بە کاڵایەکی لوکس. ئەندامانی خودی مەجلیسی ڕژێمیش دانیان بەوەدا ناوە کە بەهۆی گرانی نرخەکەوە، زۆرینەی خەڵک توانای کڕینیان نەماوە و منداڵانی ئەو وڵاتە بەبێ بەرگری لەبەردەم ڤایرۆسەکەدا جێهێڵدراون. ئەمە لە کاتێکدایە داهاتی وڵات بۆ پرۆژە ئاژاوە گیرایەکان لە سەرتاسەری جیهان لەلایەن ڕژیمی ئێران خەرج دەکرێت نەک بۆ تەندروستی گشتی."
