سازمانی خهباتی کوردستانی ئێران
دۆناڵد ترەمپ، سەرۆکى ئەمریکا واژۆی لەسەر 221ـەمین فەرمانی سەرۆکایەتی کرد؛ ژمارەیەک کە لە تەواوی یەکەم خولی سەرۆکایەتییەکەی زیاترە. فەرمانەکان لە رێگریی نوێی گومرگییەوە تاوەکو پەرەدان بە ژیریی دەستکرد، بابەتە کۆمەڵایەتییەکان و شێوەی تەلارسازیی باڵەخانە فیدراڵییەکان لەخۆدەگرن. بەگوێرەی نوێترین تۆماری فیدراڵی، لەو کاتەوەی ترەمپ لە 20ـی دسمبر گەڕاوەتەوە کۆشکی سپی، 220 فەرمان کە لە رووی یاساییەوە پابەندکەرن و پێویستیان بە رەزامەندیی کۆنگرە نییە، دەرکراون. چاوەڕوان دەکرێ 221ـەمین دەقی فەرمانەکەش، کە رۆژی دووشەممە لەلایەن ترەمپەوە واژۆی لەسەر کرا و مادەی فێنتانیلی وەک چەکی کۆمەڵکوژ پۆلێنکرد، بەفەرمی بڵاوبکرێتەوە.
