سازمانی خهباتی کوردستانی ئێران
گەمارۆی نەوتی ڤەنزوێلا کاریگەری لەسەر ڕژیمی ئێرانیش هەیە
جەرووزالێم پۆست بە ئاماژەدان بە بڕیاری ئەو دواییەی دۆناڵد ترەمپ بۆ دابینکردنی سنووردارکردن بەسەر نەوتهەڵگرە پەیوەندیدارەکان بە ڤەنۆزوێلاوە، نووسیویەتی: ئەو هەنگاوە جگە لەو حکومتە، کاریگەری دەکاتە سەر حکومتی ئێران و وڵاتانی دیکەش کە لە بواری نەوتدا هاوکاری کاراکاس دەکەن و لە نەوتهەڵگرە سزادراوەکان کەڵک وەردەگرن. سەرۆکی ئەمریکا ئێوارەی سێشەممە ٢٥ی سەرماوەز ڕایگەیاند کە ویلایەتە یەکگرتووەکان "گەمارۆی تەواو و هەمەلایەنە"ی ئەو نەوتهەڵگرە سزادراوانەی دەستپێکردووە کە دەچنە ناو ڤەنۆزوێلا یان لەو وڵاتە دەردەچن. هەروەها ناوبراو حکوومەتی ڤەنۆزوێلای خستە ناو لیستی "ڕێکخراوە تیرۆریستییە بیانییەکان"ـەوە. پێشتریش و لە ١٩ی سەرماوەزدا، ئەمریکا دەستی بەسەر نەوتهەڵگری "سکیپەر"دا گرت کە بۆ گواستنەوەی بارە نەوتییە سزادراوەکانی ڤەنۆزوێلا و ڕژیمی ئێران بەکاردەهێنرا. کارۆلین لیڤیت، وتەبێژی کۆشکی سپی، ٢٠ی سەرماوەز وتی سپای پاسداران ئەو نەوتهەڵگرەی بۆ مامەڵەکانی خۆی لە بازاڕی ڕەشدا بەکاردەهێنا.
