سازمانی خهباتی کوردستانی ئێران
تێچووی زۆری خوێندن و بێبەشیی قوتابیانی بەلووچ
پێنجشەممە، ٤ی بەفرانبار، دەنگی ناڕەزایەتی خانەوادە بەلووچەکان لە چەندین ناوچەی جیاواز بەرزبووەوە. دایکان و باوکان دەڵێن: تێچووەکانی خوێندن تەنها لە "مانگانە"دا کورت نابنەوە؛ بەڵکو کڕینی کتێب، تێچووی چاپکردنی کاربرگەکان لە کافێنێتەکان و تەنانەت کرێی گواستنەوە و تەکسی، بوونەتە کێشەیەکی گەورە کە لە توانای دارایی زۆربەی خێزانەکان بەدەرە.
سەرچاوەکان ئاماژە بەوە دەکەن کە ئەو دۆخە تەنها کێشەیەکی دارایی سادە نییە، بەڵکو کارەساتێکی پەروەردەییە. زۆرێک لە قوتابیان بەهۆی نەبوونی کەرەستەی سەرەتایی و نەتوانینی دابینکردنی تێچووە ڕۆژانەکان، لە پۆلەکانی وانەوتنەوە بێبەش بوون. ئەمە لە کاتێکدایە کە ئەرکی وانەکان و شێوەی نوێی پەروەردە، بەبێ ڕەچاوکردنی باری بژێوی خەڵکەکە سەپێنراوە.
