سازمانی خهباتی کوردستانی ئێران
ڕۆژنامەی "تەلەگراف"ی بریتانی ئاشکرای دەکات کە ڕێژیمی ئێران دوای شکستی لە شەڕە ١٢ ڕۆژەکەی بەرانبەر ئیسرائیل و بۆ شاردنەوەی لاوازییە سەربازییەکانی، پەنای بۆ توندکردنەوەی شەپۆلێکی نوێی کوشتار و لەسێدارەدان بردووە. بەپێی ئامارە ترسناکەکانی ڕێکخراوی "هەرانا"، ئامێری کوشتنی حکومتی ئیران لە ساڵی ٢٠٢٥دا گەیشتووەتە ئەوپەڕی و لانی کەم ١٩٢٢ کەسی ڕەوانەی بەردەم پەتی سێدارە کردووە، کە ئەمە بەرزترین ئاستی تاوانە لە ٢٠ ساڵی ڕابردوودا. ئەو ڕێژیمە کە پلەی یەکەمی لەسێدارەدانی لە جیهاندا هەیە، بە مەبەستی تۆقاندنی کۆمەڵگە، ڕێژەی لەسێدارەدانی بە تۆمەتی "سیخوڕی" بۆ سێ ئەوەندە زیاد کردووە و تەنانەت ١٠ کەسیشی لەبەرچاوی گشتی و لەسەر شەقامەکان لەسێدارە داوە تاوەکو بە خوێنڕشتن سەرپۆش لەسەر کێشە ناوخۆیی و دەرەکییەکانی دابنێت.
