سازمانی خهباتی کوردستانی ئێران
لەسەر ئاستی نێودەوڵەتی، دۆخەکە بە تەواوی گۆڕاوە. دوای گرتنی نیکۆلاس مادۆرۆ، هاوپەیمانی نزیکی ڕژیمی ئێران لە ڤێنیزوێلا، ورەی خۆپیشاندەرانی ئێران بەرزبووەتەوە. کاردانەوە هەرە دەنگدەرەکە هی ئیلۆن مەسک بوو؛ کاتێک ئاخوند خامنەیی نووسی "تەسلیم نابین"، مەسک تەنها بە دوو وشەی فارسی وەڵامی دایەوە: «زهی خیال باطل» واتە "خەیاڵتان خاوە". ئەو وەڵامە لە ناوخۆی ئێران وەک پشتگیرییەکی تەکنەلۆژی و مەعنەوی گەورە سەیر دەکرێت. هاوکات، بنیامین ناتانیاهۆ، سەرۆکوەزیرانی ئیسرائیل، پەیامێکی هاوسۆزی بۆ خەڵکی ئێران نارد و پشتیوانی خۆی بۆ خەباتی ئازادی دەربڕی. جیهان ئێستا بە چاوێکی کراوەوە سەیری شەقامەکانی تاران دەکات.
