سازمانی خهباتی کوردستانی ئێران
لەکاتێکدا شەقام دەکوڵێت، ڕژێم پەنای بۆ شەپۆلێکی ترسناکی گرتنی و لەسێدارەدان بردووە. لە زیندانی عادڵئابادی شیراز، سێ زیندانی بە ناوەکانی خەلیل ڕەحمانی، فەهیم ڕەسوڵزادە و ئەسغەر شاهی لەسێدارە دران، کە چالاکوانان بە هەوڵێک بۆ ترساندنی خەڵکی ناوزەند دەکەن.
بەپێی ڕاپۆرتەکانی "ڕیکخراوی ماڤی مرۆڤ"، تەنها لە سنە ١٠ چالاکوانی مەدەنی و ژینگەیی کورد گیراون، لەوانە "بەیان فەرەجوڵڵاھی" و "خالید سەیف پەناهی". شەپۆلی گرتنی مێرمنداڵانیشی گرتووەتەوە؛ لە یاسووج و لۆردێگان زیاتر لە ١٠ کەس گیراون کە منداڵێکی ١٥ ساڵانیشیان تێدایە. ئامارەکان باس لە گیرانی دەیان خوێندکار لە مازەندەران، یەزد و مەشهەد دەکەن.
