سازمانی خهباتی کوردستانی ئێران
ئیتمار بن گڤیر، وەزیری ئاسایشی نەتەوەیی ئیسرائیل، لە پەیامێکی تونددا ڕایگەیاند؛
ڕێککەوتنەکەی دۆناڵد ترەمپ بۆ وڵاتەکەیان پابەندکەر نییە. بن گڤیر پێداگریی کردەوە کە
ئیسرائیل دەوڵەتێکی سەربەخۆ و خاوەن سەروەرییە و "کۆماری مۆز" نییە تا پاشکۆی
ویلایەتە یەکگرتووەکان بێت.
===================
وەزیری ئاسایشی نەتەوەیی ئیسرائیل ئاماژەی بەوە کرد، چیتر لە ژێر فشاری
نێودەوڵەتیدا پاشەکشە ناکەن و ڕایگەیاند:"ئەرکی سەرەکی ئێمە پاراستنی
گەلی جووە وەک وەفایەک بۆ خوێنی قوربانیان." ناوبراو داوای هەڵوەشاندنەوەی
تەواوەتی حزبوڵڵای کرد و وتی، سپا لەو ناوچانەی کۆنتڕۆڵی کردوون پاشەکشە
ناکات.
بن گڤیر هۆشدارییەکی توندیشی دا و ڕایگەیاند؛ هەر هێرشێکی درۆن یان مووشەک لە
لوبنانەوە، وەڵامەکەی بۆردومانکردنی ڕاستەوخۆی ناوچەی "زاحییە" دەبێت لە
بەیرووت. لە کۆتاییدا وتی: "گەلی ئیسرائیل خاوەن مێژووی ٣ هەزار ساڵەیە، ئەو
سەردەمە بەسەرچوو کە جووەکان لێدانیان دەخوارد و بێدەنگ دەبوون، ئیتر هەرگیز
بێدەنگ نابین."
