سازمانی خهباتی کوردستانی ئێران
ترەمپ هەڕەشەی دەستپێکردنەوەی هێرشە سەربازییەکان بۆ سەر ڕژیمی ئێران دەکات
دۆناڵد ترەمپ، سەرۆکی ویلایەتە یەکگرتووەکانی ئەمەریکا لە چاوپێکەوتنێکی نوێدا
لەگەڵ ڕۆژنامەی "نیویۆرک تایمز" ڕایگەیاند؛ ئەگەر ڕژیمی ئێران نەگاتە ڕێککەوتنی
کۆتاییی ئەتۆمی لەگەڵ واشنتن، ئەوا هێرشە سەربازییەکان بۆ سەر ئەو وڵاتە
دەستپێدەکەنەوە.
ترەمپ ئاماژەی بەوە کرد کە ئەمەریکا ئامادەیە ببێتە "پارێزەری ڕۆژهەڵاتی ناوەڕاست"
بەڵام لە بەرامبەر وەرگرتنی ٢٠٪ی داهاتی ناوچەکەدا. هەروەها پێداگریی کردەوە کە هەر
ڕێککەوتنێک بکرێت، دەبێت گەرەنتی هاتوچۆی ئازاد لە گەرووی هورمزدا بکات بەبێ
وەرگرتنی هیچ سەرانەیەک.
سەرۆکی ئەمەریکا باسی لەوەش کرد کە سەرەڕای دژایەتییەکانی نەتانیاهۆ، ئەو
توانیویەتی ئیسرائیل لە مەترسیی ئەتۆمی ڕزگار بکات. لەبارەی وردەکاریی
پیتاندنی یۆرانیۆمیشەوە، ترەمپ وتی: دانوستانەکان بۆ ڕاگرتنی پیتاندن بۆ ماوەی
١٥ تا ٢٠ ساڵ بەردەوامن و لە هەر ڕێککەوتنێکی کۆتاییدا، تەنیا ڕێگە بە ئاستێکی
زۆر نزمی پیتاندن دەدرێت کە هیچ کات توانای بەکارهێنانی سەربازیی نەبێت.
