بارینی بەفری زۆر بووە هۆی دروستبوونی لافاو لە ۱٦پارێزگای ئێران

خەباتمێدیا: مورتەزا سەلیمی بەڕێوەبەری مانگی سوری ئێران ڕۆژی شەممە ۲۳ی خاکەلێوە، بەهەواڵدەری ئیرنای ووت: ·۲کاتژمێری ڕابردوو بارینی بەفر بوەتە هۆی دروستبونی لافاو لە ۱٦پارێزگای ئێران. هەروەها لەو چەند ڕۆژەدا تیمەکانی ئەو بەڕێوەبەرایەتیە یارمەتیان گەیاندووە بۆ هەزارو ٥۲کەس لە ۲۹ گوند و شار. ناوبراو ئاماژەی بەو شوێنانە داوە کە بەهۆی لافاوەوە تووشی کێشە بوون کە بریتین لە: ئیسفەهان،پارێزگای ئەلبورز،تاران،هەردوو خوراسانی باکوور و باشوور،سمنان،پارێزگای فارس،قوم،قەزوێن،کرمان،کرماشان،گوڵستان،گیلان،لوڕستان و یەزد. هەروەها لەو ناوچەو شوێنانەدا بارودۆخی بەپەلە ڕاگەێندراوە.