کۆمه‌گى ٢٠ ملیارد دولارى بۆ دابین کردنى خواردن له وه‌لاتانى هه‌ژار
وه‌لاتانى ئه‌ندامى گروپى ٨ له کۆتایی کۆبوونه‌وه‌ى خۆیان له ئیتالیا رایانگه‌یاند که کۆمه‌گێکى ٢٠ ملیارد دولاریان بۆ دابین کردنى ئه‌منیه‌تى خواردن و په‌ره‌پێدانى که‌شاوه‌رزى له وه‌لاتانى هه‌ژار دیارى کردوه.
ئاخرین رۆژى کۆبوونه‌وه‌ى وه‌لاتانى ئه‌ندامى گروپى ٨ له شارى لاکوئیلاى ئیتالیا، باراک ئوباما له‌گه‌ڵ رێبه‌رانى وه‌لاتانى به‌هێزى جیهان هه‌وڵیان دا له ره‌خنه‌گرتن سه‌باره‌ت به بایه‌خ نه‌دان به وه‌لاتانى هه‌ژارى جیهان له کاتى کێشه‌ى ئابوورى جیهان وه‌لام بده‌نه‌وه.
سه‌ره‌تا بر٠یار وابوو گروپى ٨، ١٥ ملیارد دولار کۆمه‌گ بۆ دابین کردنى مه‌وادى خواردن بۆ وه‌لاتانى هه‌ژار دیارى بکا، به‌لام باراک ئوباما رۆژى هه‌ینى گووتى: ئێستا ئه‌و پووڵه‌ى دیارى کراوه ٢٠ ملیارد دولاره.
