ئێران، به نه‌هێنى سه‌رقاڵى په‌ره‌پێدانى به‌رنامه ئه‌تۆمیه‌که‌یه‌تى
به پێى راپۆرتى نیویۆرک تایمز پشکێنه‌رانى ئاژانسی نێوده‌وڵه‌تى وزه‌ى ئه‌تۆم سه‌رقاڵى دۆزینه‌وه‌ى به‌ڵگه له‌سه‌ر هه‌وڵى شاراوه بۆ دار٠شتنى دامه‌زراوه‌ى ئه‌تۆمى نوێى رژیمى ئێران و ئه‌نبارى که‌ل و په‌لى پالاوته‌کردنى ئۆرانیومن.
لێپرسراوانى ئه‌مریکایی ده‌ڵێن هاوبۆچوونن له‌گه‌ڵ ئه‌و گوماننانه‌ى ئاژانسی نێوده‌وڵه‌تى وزه‌ى ئه‌تۆم و خه‌ریکى لێکۆڵینه‌وه‌ى ماهواره‌یی له‌سه‌ر به‌ڵگه‌ى نوێ له‌پێوه‌ند به چه‌ند دامه‌زراوه‌ێکى گوماناوى له‌ئێرانن. نێویۆرک تایمز زیادى کرد: ئه‌وکه‌سانه‌ى که له‌گه‌ڵ بۆچوون و ر٠وانگه‌کانى پشکێنه‌رانى ئاژانسی وزه‌ى ئه‌تۆمى شاره‌زاییان هه‌یه، به‌راوه‌رده‌کان ئه‌وه ده‌رده‌خه‌ن که کاتێک که‌ل و په‌لى نوێ بۆ پالاوته کردنى ئۆرانیوم دروست ده‌کرێت، له کارخانه‌ى سه‌ره‌کى که پشکێنه‌ران زۆر به ئاسایی ده‌یپشکنن نابیندرێت. هه‌روه‌ها که‌ل و په‌له‌کان له دامه‌زراوه‌ى نه‌ته‌نز له بیابان و دامه‌زراوه‌ى نوێى قۆم بوونیان نییه که ئه‌وه بۆته هۆى ئه‌وه گومانه‌کان به هێز بێت که ئه‌و که‌ل و په‌لانه له کارخانه‌ى بچوکتر له‌سه‌راسه‌رى ئێران دا دروست بکرێن و هه‌موویان له ئه‌نبارێکى گه‌وره ر٠اگیرێ و پاشان به نه‌هێنى به‌کارببردرێن.
